My kind is gestrem

My kind is gestrem

Paul Martin skryf ‘’n artikel oor sy kind met William se sindroom. Wat meeste mense wil weet, is of daar nie ‘’n voorgeboorte toets is om hierdie toestand vas te stel nie. Die vraag agter die vraag is egter: Hoekom het jou vrou nie ‘’n aborsie gehad nie. Hierdie is natuurlik deel van die sogenaamde nuttigheidsleer – ons word gedwing om ‘’n persoon se bestaan te regverdig in die mate waartoe hulle tot die samelewing bydra.

 

Om te soek vir maniere waardeur kinders met spesiale behoeftes tot die samelewing bydra, is ‘’n goeie oefening, solank dit nie die regverdiging vir hulle bestaan word nie. Die waarde van die mens lê nie in sy sogenaamde bydrae nie. Mense is waardevol, want hulle is na die beeld van God gemaak. Waarde lê in verhouding tot Hom en nie in bydrae tot die samelewing nie. Ons hoef nie die bestaan van my gestremde kind te regverdig op grond van sy bydrae nie – hulle waarde lê in die feit dat hulle na God se beeld gemaak is.

 

Gestremdhede laat ons baie vrae vra. Het God ‘’n fout gemaak toe hy ‘’n gestremde kind gemaak het? Beslis nie. God het sy eie doel in gedagte. Toe Moses kla dat hy swaar praat, sê God vir hom: wie het aan die mens ‘’n mond gegee? Wie maak stom of doof of siende of blind? Is it nie Ek, die Here nie? (Eksodus 4:11). God het nie ‘’n fout gemaak toe hy mense met gestremdhede gemaak het nie. Nêrens lees ons in die Bybel dat mense met gestremdhede die beeld van God verloor het nie.

 

In Johannes 9 lees ons van die man wat blindgebore is. Toe sy dissipels wou weet deur wie se sondes die man blind is, antwoord Jesus: Hy is blind sodat die werke wat God doen, in hom gesien sal kan word. God het ‘’n doel gehad. Gestremdhede bewys dat sonde hierdie wêreld gebreek het, maar dit is nooit buite God se voorsienigheid nie.

 

Wat die presiese doel is, varieer. Die basiese waarheid is dat God absolute oppermag oor gestremdhede het. Megan Best stel dit so:   “In contrast to the modern philosophical view that personhood must be earned, the Bible teaches that our personhood is inherent because of the nature of the God whose image we reflect. We are to treat all human beings with respect for the whole of their lives, regardless of their particular characteristics. It is not our respect that gives them dignity; rather, it is because they have the dignity that we owe them respect.

 

Die plaaslike gemeente moet die plek wees waar mense met gestremdhede met agting behandel moet word. As iemand met ‘’n kind met gestremdhede na die erediens kom, kan jy na hom kyk soos Jesus se dissipels met die blinde man gedoen het of jy kan na hom kyk soos Jesus na die blinde man gekyk het. Die kerk het die voorreg om die nuttigheidsleer te verwerp en om die waarde van elke lewe te besing.

 

Dit moet begin by die leiers van die plaaslike gemeente. Ons moet verby ons meewaardigheid, vrese en neerbuigendheid kom en met oë vol liefde vir die Skepper kyk na die gesigte van mense met gestremdhede. As Petrus aan die leiers van die kerke in die destyds bekende wêreld skryf, gee hy aan hulle ‘’n belangrike opdrag: Pas die kudde van God wat aan julle toevertrou is, goed op (1 Petrus 5:2). Die goeie leier besef dat God in beheer is van die lidmaatskap van die gemeente. Besef ons dit kan ons elke lidmaat waardeer op grond van sy Skepper. Dit moet ons beginplek vir elke verhouding wees. God het ‘’n hart vir die kwesbares. Het ons ook?

 




Spreuke: Wat is waarheid? (3)

Spreuke: Wat is waarheid? (3)

Om mense wysheid te leer en hulle te onderrig sodat hulle sal weet wanneer iemand verstandig praat (1;2)

Ons kyk verder na Tim en Kathy Keller se boek: God’s Wisdom for Navigating Life. Ons het begin deur te kyk na wat wysheid is. Ons het gesien dat dit meer as moraliteit is. Dit sluit ook in dissipline, onderskeidingsvermoë en oordeelkundigheid. Vandag kyk ons na onderskeidingsvermoë.

Ons kan ook praat van insig – dit beteken die vermoë om verskille te sien waar ander net ‘n vaal kol sien. Volgens die Bybel is onderskeidingsvermoë die vaardigheid om daagliks reg te lewe. Om wys te wees is om veelvuldige opsies en moontlike optredes te herken waar ander net aan een of twee kan dink. Wysheid onderskei veelvuldige dimensies van mense se motiewe en karakter sonder om mense in net twee kategorieë – goeie mense en slegte mense – te plaas. Onderskeidingsvermoë is die vermoë om nie net die verskil tussen goed en sleg te ken nie, maar ook tussen goed, beter en beste. Christene ondervind dat soos Christus se liefde in hulle harte groei so ook sal begrip en fyn aanvoeling toeneem (Filippense 1:9). Sy liefde genees ons selfbehepte ego en stel ons in staat om ander om ons raak te sien en sensitief te wees vir ander.

Dit lyk asof ons wêreld verdeel is tussen mense wat alles as swart en wit sien en diegene wat alles as grys sien Ons moet bid dat God ons van relativisme en wettisisme moet verlos, want beide is nie wys nie. Bid dat jy die nederigheid en onderskeidingsvermoë wat nodig is vir ‘n wyse hart sal ontvang.

 




God het my lief

God het my lief

Hy het … my gered omdat Hy my liefhet (Psalm 18:0)

En jy het gedink Hy het jou gered omdat jy goed is of oor jou gesindheid.  Daar is baie redes waarom God jou red: om Homself te verheerlik, om sy oppermag te dmostreer; ens. Een van die aangenaamste redes waarom God jou red, is omdat Hy jou liefhet. Soos ‘n bruidegom bly is oor sy bruid, so sal jou God oor jou bly wees (Jesaja 62:5).

Hy stuur elke dag vir jou ‘n sonsopkoms. As Jy wil praat luister Hy. Hy kan enige plek in die heelal woon, maar Hy het jou hart gekies Wat van sy Seun wat Hy vir jou gestuur het. Onthou altyd: God het jou lief.




Spreuke: Wat is wysheid (2)

Spreuke: Wat is wysheid (2)

Die spreuke is bedoel om mense wysheid te leer en hulle te onderrig sodat hulle sal weet wanneer iemand verstandig praat (Spreuke 1:2).

Ons het gister gesien dat wysheid moraliteit insluit, maar dat dit meer as dit is. Vandag kyk ons na ‘n tweede aspek van wysheid, naamlik dissipline. Die Hebreeuse woord wat hier met onderrig vertaal word, beteken onderrig met sterk aanspreeklikheid. Dit beteken jy word gedril deur ‘n instrukteur. Wysheid kom dikwels deur die pyn van persoonlike konfrontasie deur vriende [ ‘n Openlike bestraffing is beter as liefde wat onsigbaar bly – 27:5] of deur uit jou foute te leer (26:11) of deur die lyding wat God in jou lewe toelaat [ My seun, aanvaar die straf wat van die Here kom en moet jou nie teen sy teregwysing verset nie, want die Here straf die mens wat HY liefhet net soos ‘n vader doen met sy seun – 3:11 – 12].

Om wys te word, beteken jy word ‘n gedissiplineerde persoon. – nie impulsief nie, maar bereid tot selfondersoek,, tot omsigtigheid en tot helder denke. Dit is om ‘n geharde persoon te word wat deur die slae van die lewe ‘n kalm n vindingryke persoon geword the.

Kyk na jou eie lewe. Sien jy waar God probleme gebruik het om jou wys te maak?