Let us believe whatever they can show us out of the Bible, but not a single word more –  J. C. Ryle

God is oppermagtig oor al die nasies (2)

In Jesaja 13 – 20, ‘n gedeelte wat ons gewoonlik vinnig lees, is daar drie primêre waarhede wat Jesaja beklemtoon. Vandag kyk ons na die eerste van hierdie waarhede:God is teen die hoogmoediges.

Hierdie is die grootste sonde van die mens. Ons het gehoor van die hoogmoed van Moab, van sy trots, sy vermetelheid, sy hoogmoed, sy hovaardigheid, maar sy grootpratery het tot niks gelei nieI (16:6). Jesaja gebruik vier woorde om Moab se trots te beskryf.

In vers 5 lees ons van trou … betroubaar … beywer vir wat reg is … reg laat geskied.  Moab kon dit alles gehad het, maar dan moes hulle in nederigheid voor God kom. Vir hulle was die prys net te hoog.

Wat sien God in die hart van die koning van Assirië? En dit is jy, jy wat gedink het: ek klim op hemel toe … ek word soos die Allerhoogste self (14:13 – 14). Kry ons nie nog steeds die selfde in ons wêreld nie? Dink ons nie te veel van onsself nie? Glo ons nie ons is op sekere dinge geregtig nie? Jesaja sê dat trots nie beperk is tot ‘n paar mense nie – dit is die gees van ons wêreld. Self-worship is the religion of mankind (Arnold Toynbee).

Ons weiering om in nederigheid voor God te kom, is die kern van sonde. Dit is die begin van al die misplaasde pogings om onsself te red. In die Magnificat sê Maria: Kragtige dade het Hy met sy arm verrig: hoogmoediges in hulle eiewaan het Hy uitmekaargejaag; maghebbers het Hy van trone afgeruk en geringes verhoog (Lukas 1:51 – 52). Jesus stel dit baie sterk: Wat deur die mense as belangrik beskou word, is ‘n gruwel voor God (Lukas 16:15).

Moenie hooghartig wees nie, maar skaar julle by die nederiges (Romeine 12:16). As ons wêreldvrede wil hê, is dit waar ons moet begin. Jesus sê: Geseënd is die sagmoediges, want hulle sal die nuwe aarde ontvang (Matteus 5:5). Nederigheid is die gees van Jesus Christus en trots die gees van die antichris.

In die volgende blog gaan ons na die tweede primêre waarheid wat Jesaja in Hoofstuk 12 – 20 beklemtoon, kyk: God regeer.

Were a dog to see an injury offered to his master, equal to the insult which is offered to God in the sacraments, he would instantly bark, and expose his own life to danger, sooner than silently allow his master to be so insulted. Ought we to show less devotedness to God than a brute is wont to show to man? — John Calvin

God is oppermagtig oor al die nasies (1)

Jesaja 13 – 20 is nie ‘n gedeelte wat ons gewoonlik met veel aandag lees nie. Dit is Jesaja se beskrywing van God wat die nasies oordeel. Kan ons nou hierdie gedeelte gebruik om wreedheid te regverdig – een nasie teen die ander? Miroslav Volf, ‘n teoloog uit Kroasië wat onder die Serbiërs deurgeloop het, het met hierdie vraag geworstel. Sy gevolgtrekking: The certainty of God’s just judgment at the end of history is the presupposition for the renunciation of violence in the middle of it.

Ons moet alle menslike ongeregtigheid teenstaan, want God doen dit. Ons verlang na ware en finale geregtigheid. Menslike geregtigheid is dikwels onvoldoende. Jesaja het ‘n antwoord op ons verlange na geregtigheid: die dag van die Here. Huil, want die dag van die Here is naby; dit bring verwoesting, dit kom van die Almagtige af (13:6). God het belowe om beslissend in te tree en om die verkeerde finaal te straf. Na die dag van die Here word in die Nuwe Testament na die dag dat ons Here Christus kom (1 Korintiërs 1:8) verwys, want God gaan die wêreld deur Jesus Christus oordeel.

Dwarsdeur die uitsprake teen die nasies in Jesaja 13 – 20 is een punt baie duidelik: God is nie ‘n plaaslike God nie – Hy is die Here van alle volke; alle volke is aan Hom verantwoordelik; hulle lotgevalle is in sy hande.

In hierdie gedeelte is daar drie primêre waarhede waarvan ons in hierdie gedeelte lees:

• God is teen die hoogmoediges
• God regeer
• Kyk na Hom

Ons gaan nou hierdie drie waarhede in die volgende blogs verder ondersoek.

Die rooi letter Bybel – Kobus Kok

Petro vra:

Ek wil graag meer weet oor die gebruik en ontstaan van die rooi letter Bybel.

Antwoord

Prof Kobus Kok antwoord:

Op 19 Junie1899 het Louis Klopsch, die redakteur van “The Christian Herald” die idee gekry om die woorde van Jesus in die NT in rooi te laat druk nadat hy Lukas 22:20 gelees het. Die eerste rooi letter Bybel word rondom 1901 gedruk. 

Bron: http://en.m.wikipedia.org/wiki/Red_letter_edition besoek op 9 Jul 2014 om 11:11am

Skrywer:  Prof Kobus Kok

Disney Fairies – Kobus Kok

Anneke vra:

Goeie dag, Ek wil weet wat die Bybel sê van feëtjies? My kinders is mal oor Disney Faeries op TV en die klere is baie oulik, maar iemand het my gesê dat dit met toordery te doen het en dat jy die bose in jou kind se lewe toelaat?

Antwoord

Prof Kobus Kok antwoord:

Fairies is nie deur Disney uitgedink nie. Fairies kom uit die Keltiese mitologiese volksverhale. Eintlik sou mens kon sê dat dit dan “heidense” oorsprong het. Daar is verskillende verhale rondom die afkoms van Fairies en hoe hulle interaksie met mense daarna uitsien. As Christene glo ons nie dat sulke wesens bestaan nie. Wanneer kinders binnne gesonde verbeeldingsvlugte van Fairies praat, is dit seker nie verkeerd nie. Ek weet egter ook van sommige tieners en studente wat in hulle poging om met die geestelike wêreld te kommunikeer wel in Fairies glo, maar diep in die mitologie daarvan ingaan. Dit is egter binne Christelike perspektief nie gesond nie. Lees maar net Kol 2 om te sien hoe Paulus waarsku teen interaksie met geestelike magte buite die dampkring van die Christelike grense. Ouers sal wel weet wanneer hulle kinders se oriëntasie gesond of ongesond is. Wees egter baie sensitief oor die saak en raadpleeg spelterapeute indien dit problematies is. In die meeste gevalle is jong kinders se belangstelling in Fairies en seuns se belangstelling en assosiasie met spiderman en superman tydelik en nie ongesond nie. Dit kom en gaan. Die ouer het die verantwoordelikheid om telkens ook die verhale van die Christendom te vertel en seker te maak dat die verhale van die Christendom ‘n integrale deel is van jou kind se mondering.

Vir meer mitologiese oorsprong en agtergrondinligting oor Fairies sien: http://en.m.wikipedia.org/wiki/Fairy 

Skrywer:  Prof Kobus