“Our religion will be unprofitable, if it does not change our heart, pervade our manners, and transform us into new creatures.” John Calvin

Woorde uit die Bybel – Weergeboorte (2)

When I use a word it means just what I choose it to mean – neither more nor less – Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

 Weergeboorte beteken ‘n drastiese verandering in ‘n mens – ‘n mens kom onder die gesag en beheer van die Heilige Gees. Die gevolg is dat die mens op God reageer en Hom gehoorsaam. Dit is egter nie iets wat ons as mense kan doen nie – alles is die gevolg van God se genade. Omdat hulle so op Hom vertrou, het Jesus alles vir hulle gedoen wat nodig was om God se kinders te word. God self het daarvoor gesorg dat hulle as sy kinders gebore word (Johannes 1:12 – 13).

 Is dit nodig dat ons weergebore moet word? Immers, ‘n kind wat uit ‘n mens gebore word, is maar net ‘n mens. Wie egter uit die Gees gebore word, begin geestelik lewe (Johannes 3:6). Soos Jesus vir Nikodemus verduidelik word iemand wat weergebore word deel van God se koninkryk.

 Wat is die vrug van weergeboorte? In 1 Johannes kry ons ‘n hele aantal antwoorde op hierdie vraag:

• Wie dus die Vader liefhet, het ook sy kinders lief (5:1);
• Elkeen wat so volgens God se wil reg optree, is ‘n ware kind van God (2:29);
• Daarom mag die gedagte om iets te doen wat God ongelukkig maak, nie eers by ‘n kind van God opkom nie (3:9);
• Aan liefde ken ‘n mens die kinders van God uit (4:7);
• Elke kind in die familie van God is ‘n wenner; ‘n wenner oor hierdie sondige wêreld (5:4); en
• Iemand wat God se kind is, nie heeltyd al agter die sonde aanloop nie. Die Bose kan nie ‘n houvas op hom kry nie (5:18).

 Weergeboorte is die gevolg van die werk van die Heilige Gees in die sondaar. Dit is die gevolg van ons geloof in Jesus Christus. Dit word gekenmerk deur ‘n lewe van gehoorsaamheid en liefde.

I have held many things in my hands, and I have lost them all; but whatever I have placed in God’s hands, that I still possess. —Martin Luther

Woorde uit die Bybel – Weergeboorte (1)

When I use a word it means just what I choose it to mean – neither more nor less – Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

 Hy het dit oop en bloot vir ons kom wys toe Hy ons verlos het.  Natuurlik het Hy dit nie gedoen omdat ons so mooi geleef het nie. Nee, Hy het dit gedoen omdat Hy ons jammer gekry het God het ons heeltemal nuut gemaak. Ons is as ‘t ware ‘n tweede keer gebore toe ons sy kinders geword het. Die doop is die bewys daarvan. Dit sê vir ons dat ons ou, sondige mens dood en begrawe is en dat God ons ‘n tweede keer gemaak het. Maar God se goedheid het nie hier opgehou nie. Hy het ook nog sy Heilige Gees aan ons gegee om ons lewe van binne af te versier en nuut te maak (Titus 3:5). Wat ‘n wonderlike beskrywing. Ons lees dieselfde in Esegiël 36:26: Want Ek sal julle harte nuut maak. Dan sal julle heeltemal anders dink. Ek maak julle van voor af nuut. Ek haal julle ou harte uit wat kliphard geword het van al die slegte dinge wat julle doen. En Ek maak julle heeltemal gehoorsaam aan My. Hierdie vernuwing gaan nie oor klein aanpassings nie, maar oor ‘n radikale verandering in ons lewens. Nou weet ons dat as iemand aan Christus behoort, hy ‘n splinternuwe mens is; ‘n nuwe skepping in die kleine. Al die ou sondige dinge is dan iets van die verlede. Dan is die nuwe lewe hier! (2 Korintiërs 5:17).

 ‘n Baie belangrike gedeelte is Jesus se gesprek met Nikodemus (Johannes 3). Jesus sê vir hom: As iemand nie nog ‘n keer gebore word nie, sal jy sowaar nie deel word van die ryk waar God Koning is nie. Dit verstaan Nikodemus glad nie. ‘n Mens kan mos nie weer gebore word nie. Dan antwoord Jesus vir hom: Die pad na die ryk waar God Koning is, is toe vir elkeen wat nie gebore word uit lewende water en die Heilige Gees nie.

Volgende keer gaan ons verder met ons bespreking van weergeboorte.

Take away the cross of Christ, and the Bible is a dark book. —J.C. Ryle

Woorde uit die Bybel – Geloof (4)

When I use a word it means just what I choose it to mean – neither more nor less – Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

 Hoe lyk ‘n lewe van geloof? Geloof vat die hele lewe van die Christen saam. Julle moet ophou om julle te gedra soos mense wat nie die Here ken nie. Daar is niks wat die moeite werd is in sulke mense se koppe nie (Efesiërs 4:17).

Die Hebreërbrief het baie oor geloof te sê. Kom ons kyk daarna:

• ‘n Definisie van wat geloof is: Geloof of vertroue in God beteken om nie een oomblik te twyfel nie dat Hy sy beloftes sal hou en om daarna uit te sien. Ons kan dit wel nie nou al sien nie, maar ons weet vir seker dat dit sal gebeur (12:1).
• Ons eer God deur sy woord oor dinge te aanvaar: Tog het Abraham op die Here vertrou en pa geword. Hy het geglo dat God die belofte wat Hy gemaak het, nie sou breek nie (11:11).
• Geloof beteken ons benader God deur Jesus Christus sonder vrees: Ons hoef dus nie bang te wees of te wonder of ons na God toe mag gaan nie. Ons kan maar gaan, want God sal baie goed wees vir ons. Wanneer ons dit nodig het, sal God vir ons meer gee as wat ons verdien en ons met sy liefde ontvou (4:16).
• Deur geloof kry ons krag om die geestelike stryd te wen (11:32 – 38).
• Deur geloof verduur ons vyandigheid van binne: Hulle moedig ons aan om gelowig vol te hou met die wedloop. Laat ons dan ontslae raak van enigiets wat ons hinder om die wedloop van die lewe behoorlik te hardloop (12:1).
• Deur geloof verduur ons vyandigheid van buite: Dink aan alles wat hy moes deurmaak, ja, aan al die slegte dinge wat die sondige mense aan Hom gedoen het. As julle sy voorbeeld volg, sal julle nooit moedeloos word en tou opgooi nie (12:3).
• Deur geloof skep ons moed uit voorbeelde van liefde: Moenie die geestelike leiers vergeet wat die boodskap van God aan julle vertel het nie. Kyk hoe hulle geleef het tot hulle dood is en vertrou dan op die Here net soos hulle op Hom vertrou het (13:7).
• In geloof stry ons teen versoekings, ongeloof, apatie en ongehoorsaamheid: Moet dus nie toelaat dat daar ‘n krakie in julle vertroue op God kom nie. Wie op God bly vertrou, sal ‘n groot beloning by Hom kry. Julle moet tot elke prys vasbyt. As julle so aanhou om te doen wat God wil hê, sal Hy sorg dat julle kry wat Hy vir julle beloof het (10:35 – 36).

Ons versterk ons geloof deur ons oë op God gerig te hou. Ons dink aan alles wat Hy vir ons belowe het en ons dink terug aan alles wat Hy reeds vir ons gedoen het.

The measure of our love for others can largely be determined by the frequency and earnestness of our prayers for them. —A.W. Pink

Woorde uit die Bybel – Geloof (3)

When I use a word it means just what I choose it to mean – neither more nor less – Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

 Hoekom kan ons net deur geloof verlos word? Christus is ons Verlosser. Geloof beteken dat ek na Christus kom. Goeie nuus! God se oordeel is vir altyd verby vir elkeen wat aan Christus Jesus behoort (Romeine 8:1). Ons is ook kinders, en dus erfgename, van God: Almal wat hulle deur die Heilige Gees laat lei, is kinders van God (Romeine 8:14). Maar die Heilige Gees gaan verder: Verder is dit ook Hy wat nou ‘n diep verlange na God in julle binneste wakker maak. Die Gees roep voortdurend in julle binneste uit: “Vader, liefdevolle Vader!” Hy sorg dat daar ‘n onbreekbare band tussen God en julle is (Romeine 8:15). Dit alles beteken dat Christus voldoende is as ons Verlosser – ons het niks meer nodig nie. Toe die tronkhoof in Filippi vir Paulus vra wat hy moet doen om in die regte verhouding met God te kom, antwoord Paulus hom: Glo in die Here Jesus … Dan sal God jou red en as sy kind aanvaar (Handelinge 16:31).

Maar wat van die goeie werke wat ons doen? Hierdie geloof in Jesus Christus is al wat ons nodig het: God is egter nie soos ‘n eienaar wat werkers beloon wat hard gewerk het nie. ‘n Mens kom net in die regte verhouding met God as jy in Hom glo as die Een wat goddelose mense vryspreek (Romeine 4:5). Beteken geloof dan dat ek maar net kan sit en niks doen nie? Al wat nou saak maak, is geloof, daardie soort geloof wat maak dat ons ander mense met alles in ons liefhet (Galasiërs 5:6). Natuurlik moet die Christen goeie werke doen, maar nie om verlos te word nie, maar uit dankbaarheid dat hy verlos is. Die Christelike leer is genade; die Christelike optrede is uit genade.

Hoe lyk ‘n lewe van geloof? Daarna kyk ons volgende keer.