To avoid a sin or to obey a command, not from fear or ambition but purely out of love of God, is to sanctify His name in public – Maimonides.

Woorde uit die Bybel – Genade (3)

When I use a word it means just what I choose it to mean – neither more nor less – Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

 In Die Boodskap word genade dikwels met goedheid vertaal.

‘n Lewe van genade is ‘n lewe van vryheid. Julle staan nie meer onder die loodsware las van die sonde nie. Daardie mag is vir altyd gebreek. Julle hoef ook nie meer al die reëls van die wet na te kom om God se guns te probeer wen nie. Julle leef nou net uit sy goedheid (Romeine 6:14). Maar waarvan stel genade ons vry?

• Die hopelose noodsaaklikheid om ons voor God aanvaarbaar te maak deur die volkome onderhouding van die wet. Jesus Christus het na die wêreld gekom om mense wat verkeerd lewe, te help om weer God se vriende te word; ek weet, want as dit by ‘n slegte lewe kom, het ek voor in die ry gestaan (1 Timoteus 1:15). Paulus leef nou uit die vergifnis van sonde. As hy misluk, help hy homself weer met die hulp van Christus op. Die probleem is die mens se trots: as ons trots is, sal ons nie ons tekortkominge erken nie en ook nie probeer om iets daaraan te doen nie.
• Die heerskappy van die sonde. Lees net weer Romeine 6:14 wat hierbo aangehaal is.
• Die bande van vrees. Almal wat hulle deur die Heilige Gees laat lei is kinders van God. As julle hierdie keuse maak, is julle nie langer slawe van dinge soos angs en vrees nie (Romeine 8:14). Ons kan  die oordeelsdag met vrymoedigheid, sonder om bang te wees,  tegemoetstap. In hierdie wêreld is ons situasie immers presies dieselfde as Jesus s’n. Waar daar liefde heers, is daar nie plek vir vrees nie, veral nie vrees vir God se finale oordeel nie (1 Johannes 4:17).

 Genade maak ons vry. Aanvaar God se genade in Jesus Christus en leef as ‘n vry mens.

Volgende keer bespreek ons die woord Middelaar.

As long as I remain silent, I control my tongue. Once I start speaking, my tongue controls me –  Judah ben Samuel

Woorde uit die Bybel – Genade (2)

When I use a word it means just what I choose it to mean – neither more nor less – Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

 In Die Boodskap word God se genade dikwels met God se goedheid vertaal.

In Efesiërs praat Paulus dikwels van die rykdom van die genade. Niemand sal nou, of in die toekoms, ooit kan twyfel aan hoe God regtig is nie. Dit kan eintlik nie gemeet of ten volle beskryf word nie. Dit alles word vir ons saamgevat in die manier waarop God ons deur Christus Jesus gered het sonder dat ons dit enigsins verdien het (2:7). Wat is hierdie rykdom wat na ‘n mens deur die genade van God in Jesus Christus kom?

• Verlossing. Dit was soos ‘n handelstransaksie: omdat ons so sondig was, was ons God se vyande. Toe kom Jesus en betaal wat nodig is om weer alles tussen ons en God reg te maak. Dit het Hom wel sy lewe gekos, maar die vrede is herstel tussen God en almal wat aan Jesus se kant staan. Dat God so iets gedoen het sonder om te vra wat ons kan terugbetaal, wys net hoe geweldig goed Hy vir ons is (Efesiërs 1:7). Verlossing word deur Jesus Christus se kruisdood bewerkstellig – God betaal ‘n duur prys vir ons verlossing.
• Herstel. Toe ons nog in die sonde geleef het asof God nie eens bestaan nie, het God ons kom haal. Saam met Christus het Hy vir ons ‘n nuwe lewe gegee. Ons kon weer voor begin. Moenie dink dit is omdat julle so goed is nie (Efesiërs 2:4). Deur Christus is ons verhouding met God herstel en kan ons as nuwe mense lewe. Ons staan saam met Christus uit die dood op. Dit is iets waartoe ons niks bydra nie.
• Verkiesing. Hy het ons wat aan Jesus Christus behoort, gekies nog lank voor die wêreld gemaak is. Ons moet net Syne wees en daar moet niks in ons wees wat Hom ontevrede kan maak nie (Efesiërs 1:4).
• Bewaring. Toe God besluit het wie almal aan sy familie sal behoort, het Hy hulle persoonlik op hulle naam geroep. So het hulle sy kinders geword. Verder het Hy almal wat Hy geroep het, vrygespreek van hulle sondes. Toe het God almal wat Hy vrygespreek het, met sy heerlikheid en goedheid oorlaai (Romeine 8:30). God tree in vir mense wat in Jesus Christus met Hom verenig is.

Hier het ons na enkele aspekte van die rykdom van God se genade gekyk. Ons het gesê dat genade ons vry maak. Waarvan maak genade ons vry? Daarna kyk ons in die volgende bespreking.

It takes your enemy and your friend, working together, to hurt you to the heart: the one to slander you, and the other to get the news to you – Mark Twain

Woorde uit die Bybel – Genade (1)

When I use a word it means just what I choose it to mean – neither more nor less – Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

 In Die Boodskap word genade dikwels met goedheid vertaal.

In Jerusalem word daar ‘n vergadering van kerkleiers gehou om oor die besnydenis te praat. Petrus tree tot die debat toe: Begryp julle dan nou nog nie dat ons uit genade deur ons Here Jesus gered word nie? Ons verdien dit nie Hy red alle mense op presies dieselfde manier as vir ons (Handelinge 15:11). Genade is sekerlik een van die belangrikste temas in die Nuwe Testament. Die Here het vir Paulus gesê dat sy genade vir hom genoeg is –  dit is al wat jy nodig het (2 Korintiërs 12:9).

 Paulus begin meeste van sy briewe met ‘n groet wat genade en vrede insluit. Hy sluit sy briewe af met die bede dat die genade van God by hulle sal wees. Genade, wat deur Jesus Christus gekom het, vat die hele Nuwe Testament saam. Genade is dan ook die teken dat God aan die werk is: Van die dag af dat dit tot julle deurgedring het hoe goed God vir julle is sonder dat julle dit regtig verdien, weet julle dat die ware God aan die werk is (Kolossense 1:6).

 God gee hierdie genade, maar ons moet dit ontvang: Ek kan nooit God se goedheid deur my vingers laat glip nie. As ek nou, na alles wat God vir my gedoen het, steeds probeer om self ‘n plek in die hemel te verdien deur te doen wat die wet sê, is Christus verniet aan die kruis dood (Galasiërs 2:21).

 Genade is God se guns aan ons – onverdiend. Ons kan nie aanspraak op sy genade maak nie. God is absoluut lojaal aan die mense aan wie Hy Hom verbind het. Dit is ‘n geskenk aan mense as bewys van God se liefde.

In die volgende artikel gaan ons na die rykdom van die genade kyk.

The pain of humiliation is more bitter than death. Therefore, one should rather fling himself into a fiery furnace than humiliate someone in public – Talmoed

Woorde uit die Bybel – Die duiwel (2)

When I use a word it means just what I choose it to mean – neither more nor less – Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

 In die vorige gedeelte oor die duiwel het ons gepraat van oorlogvoering en wapens en terugveg. Voordat ons na God se wapenrusting kyk net twee dinge:

• Ons hoef nie bang te wees vir die uitslag van hierdie geveg nie. Die duiwel is klaar oorwin. God sal julle nie in die steek laat nie, maar doen wat Hy gesê het. Hy het mos gesê dat Hy nie dinge met jou sal laat gebeur wat jou as Christen van balans af sal gooi nie. As daar dan dinge gebeur wat jou van God se pad wil afkry, sal God jou help om die regte besluit te neem en jou dan die krag gee om te doen wat jy besluit het (1 Korintiërs 10:13)
• Die duiwel vlug as ons weerstand bied. Verklaar die duiwel vyand nommer een in jou lewe en gee hom nie ‘n enkele kans nie. Hy sal dan van jou af padgee omdat hy niks kan regkry nie (Jakobus 4:7)

 Paulus maak dit duidelik dat ons nie hier met ‘n oorlog tussen mense te doen het nie – ons moet teen die onsigbare geestelike magte van Satan veg. Dan beskryf hy God se wapenrusting:

• Die belt om jou middel = die waarheid
• ‘n Staal borsplaat = die wete dat God jou van al jou sondes vrygespreek het.
• Die skoene aan jou voete = gereedheid om vir ander te vertel van die vrede wat Jesus vir ons bring.
• ‘n Skild om die giftige aanvalle van die Bose te keer = geloof, die intieme verhouding met die Here.
• ‘n Ysterhelm wat jou gesig en kop beskerm = die wete dat jy gered is.
• ‘n Swaard = die boodskap van God wat die Heilige Gees aan jou gee om die stryd mee te voer.

Wat baie interessant is, is dat hier niks is om die rug te beskerm nie. Is dit omdat daar geen beskerming is as ons sou weghardloop nie?

 Moenie toelaat dat hy (die duiwel) julle geestelike fondamente skud nie. Laat dit vir julle ‘n troos wees: daar is Christene oor die hele wêreld wat as Christene dieselfde dinge as julle ly omdat hulle dieselfde stryd as julle stry. Hierdie swaarkry as Christene sal nie meer so lank aanhou nie … al ly julle nou ‘n rukkie sal God self vir julle ‘n ereplek by Hom gee. Hy sal vir julle al die krag gee wat julle nodig het, sodat niks en niemand dan meer iets aan julle sal kan doen nie (1 Petrus 5:9 – 10).

Volgende keer begin ons met ‘n bespreking oor genade.