The weakness of man sets the stage for the display of God’s strength. —Janice Wise

Die geloofsgemeenskap is belangrik

Jean Vanier (Community and Growth) was die stigter van die L’Arche gemeenskap. In hierdie gemeenskap het mense wat fisies en/of geestelik gestrem was saam met mense sonder gestremdhede gewoon. Henri Nouwen, bekende teoloog en akademikus, het by hierdie gemeenskap aangesluit.

 Vanier skryf in sy boek onder andere waarom gemeenskap so moeilik, maar tog baie belangrik, is. Sy insigte is ook van toepassing op geloofsgemeenskappe. As jy hierdie lees, dink aan jou eie gemeente.

Die gemeenskap is die plek waar ons beperkings, ons vrese en ons egotisme geopenbaar word. Ons ontdek ons armoede en ons jaloesie, ons onvermoë om met sekere mense oor die weg te kom, ons verstands- en emosionele hindernisse, ons oënskynlike onbevredigbare begeertes, ons frustrasies en jaloesie, ons haat en ons begeerte om te vernietig. As ons alleen is, kan ons ons verbeel dat ons almal liefhet. As ons met ander is, saam met hulle leef, besef ons ons onvermoë om lief te hê, hoeveel ons ander ontsê, hoe geslote ons in onsself  is.

Is hier nie heelwat waarheid in hierdie gedeelte nie?

How richly does he supply us with the means of contemplating his mercy when, as frequently happens, he continues to visit miserable sinners with unwearied kindness – Calvyn

Die kerk (4)

Ons het na tweede beelde van die kerk gekyk: die kerk as huisgesin van God en die kerk as liggaam van God. Ons kom nou by die derde beeld.

Beeld#3: Die kudde van God

 Hierdie beeld van die Herder en sy kudde is aan ons goed bekend. Ons kry hierdie beeld in verskeie boeke van die Bybel. Waarskynlik die mooiste beskrywing kry ons in Johannes 10. Jesus is die Herder van die kerk.

Hy is ‘n opregte Herder: Ek is die goeie herder. Die goeie herder lê sy lewe af vir sy skape.  Jesus is die hekwagter: niemand kom in die kraal as die hekwagter nie die hek oopmaak nie. Die enigste veiligheid vir die kudde is in Jesus Christus.

‘n Belangrike beeld vir kerke vandag is die herder wat sy verlore skape soek. Ons is meer gemaklik om om te sien na die skape in die kraal en doen niks aan dié buite die kraal nie. Christus se voorbeeld dring ons om uit te gaan en verlore skape te soek. Dit is nie maklik om hierdie verlore skape in die midde van die gemeente te ontvang nie. Ons vreugde moet wees as ons een wat afgedwaal het weer vind.

Natuurlik moet ‘n herder sy kudde versorg. In Psalm 23 lees ons van skape wat rus in groen weivelde en gebring word na waters waar rus is. In Johannes 10 sê die skrywer dat die skape die herder se stem ken en daarom volg hulle hom. Die kudde kan onderskei.

Volgende keer kyk ons na die laaste beeld: Die kerk is die bruid van Christus.

A dog barks and stands at bay if he sees any one assault his master. I should be indeed remiss, if, seeing the truth of God thus attacked, I should remain dumb, without giving one note of warning… –  Calvyn

Twyfel

After many years of seeking to live a spiritual life, I still ask myself, “Where am I as a Christian?” — “How far have I advanced?” — “Do I love God more now than earlier in my life?” — “Have I matured in faith since I started on the spiritual path?”

Honestly I don’t know the answers to these questions. There are just as many reasons for pessimism as for optimism. Many of the real struggles of twenty or forty years ago are still very much with me. I am still searching for inner peace, for creative relationships with others, and for a deeper experience with God. And I have no way of knowing if the small psychological and spiritual changes during the past decades have made me more or less a spiritual person.

– Henri Nouwen, Spiritual Formation: Following the Movements of the Spirit

Henri Nouwen se eerlikheid is verfrissend, maar ook ontstellend. Hedendaagse sienings oor groei en  heiligmaking is soos Weight Watchers se programme – ons wil ons vordering op ‘n kaart aanteken sodat ons darem voel ons vorder. Ons hou van lyste wat ons kan aftik, meetbare standaarde wat ons kan vasstel.

Maar nou kom Henri Nouwen en hy sê: “Ek het geen idee nie.” Christene mag dalk nie die omvang van hulle probleem besef nie, maar hulle weet wat die genesing is. Ek sal nooit my vordering van sonde na geestelike gesondheid op ‘n kaart kan aanteken nie. Ek kan egter deur die Heilige Gees, voortdurend na die geneesmiddel kyk – Jesus Christus.

God cannot give us a happiness and peace apart from Himself, because it is not there. There is no such thing. —C.S. Lewis

Geloof

Daar is sekere terme wat nie in die Bybel gedefinieer word nie – soos die Drie-eenheid. Geloof word egter duidelik in Hebreërs 11:1 gedefinieer: Om te glo, is om seker te wees van die dinge wat ons hoop, om oortuig te wees van die dinge wat ons nie sien nie.

Ons fokus ons hart en verstand op ‘n werklikheid wat buite ons is – beide in tyd en verstaan. Dit is voor ons (wat ons hoop) en bo ons (wat ons nie sien nie).

Om te verseker dat ons die volle betekenis van hierdie vers verstaan, gebruik die skrywer die volgende 39 verse van Hoofstuk 11 om die definisie duidelik te maak. Hy doen dit deur voorbeeld na voorbeeld te noem waardeur hy wys hoe geloof lyk as dit uitgeleef word. Hy doen dit om te verseker dat ons weet wat dinge wat ons hoop en dinge wat ons nie sien nie, is – dat dit nie net leë woorde is nie. Ware geloof is nie net gedagtes en gevoelens nie; dit beïnvloed ons hele lewe; dit lei tot dade van gehoorsaamheid en volharding.

Dinge wat ons hoop en dinge wat ons nie sien nie, verwys nie na dinge wat ons ons verbeel nie. Dit verwys na werklikhede wat ons deur die Bybel ken. Paulus sê: Die geloof kom dus deur die prediking wat ‘n mens hoor, en die prediking wat ons hoor, is die verkondiging van Christus (Romeine 10:17).

Calvyn sê: Daar is ‘n permanente verhouding tussen geloof en die Woord. Die een kan nie van die ander geskei word nie, net soos ons nie die strale van die son, waarvandaan hulle, kom, kan skei nie … Dieselfde Woord is die basis wat geloof ondersteun en onderhou; as geloof van die Woord wegdraai, misluk dit. Neem die Woord weg en geen geloof bly oor nie.