Nog dankbaarheid

Jonas Salk, die uitvinder van die polio druppels

Nog dankbaarheid

(Romeine 1:21).

 As die mens in opstand kom, verdwyn dankbaarheid en eer aan God. Ons glo al meer dat ons op sekere dinge geregtig is. Daarom verdwyn dankbaarheid – jy skuld my in plaas van dankbaarheid. Dit is selfs ons houding teenoor God.

Ons is nie meer dankbaar vir die gawes wat God in genade aan ons skenk nie; ons trap op die dinge wat Hy gee om ons te onderhou. Wie het vir ons die lug wat ons inasem, die water wat ons drink, die kos wat ons eet en die mense wat ons liefhet gegee? God het. Wie het vir ons die lewe gegee? God het.

Dankbaarheid

God of Abraham, God of Isac, God of Jacob, not of philosophers and scholars – Blaise Pascal

Dankbaarheid

Toe ons klein was, het ons ouers altyd gesê: “Sê dankie.” Waardeer ons altyd dit wat ons kry? Sê ons as volwassenes nog dankie? Geneeshere het bevind dat om dankie te sê, om die positiewe dinge in jou lewe raak te sien, nie allen vir jou psige goed is nie, maar ook vir jou liggaam.

 

Moet ons nie besluit dat ons van nou af meer dankaar gaan wees nie. Waarvoor is jy dankbaar? Hoe druk jy jou dankbaarheid uit?

Nederigheid

.” – Douglas Wilson

 

Nederigheid

 

Ons verwar dikwels karaktereienskappe en houdings. Nederigheid is ‘n goeie voorbeeld. Baie Christene glo dat nederigheid iets soos selfveragting is. Mens wat hulleself verag degradeer hulleself en hulle vermoëns. Is dit nie hoe gewonde trots praat nie? Is dit nie selfliefde wat op een of ander manier teleurgestel is nie?

 

 

Voorbeeld: As iemand die klavier gespeel het en jy prys hulle: “Baie goed gedoen.” Wat is hulle natuurlike reaksie? “Ag, jy weet ek is nie eintlik ‘n pianis nie.” Wat dink jy sal gebeur as jy sou sê: “Ek weet. Dit was nie eintlik baie goed nie. Ek wou maar net vriendelik wees!” Natuurlik sal ons dit nie doen nie, maar is dit nie dalk nodig om hierdie verwronge konsep van nederigheid uit te wys nie?

 

 

Nederigheid kan beter beskryf as gedefinieer word – jy weet wat dit is as jy dit sien. Nederigheid is iets soos eerlike selfondersoek. Ons kan dit beskryf. Ons weet hoe nederigheid in verskillende situasies lyk. Ons sien gou raak as nederigheid vals is.

 

 

Moslems vir Christus

The issue of faith is not so much whether we believe in God, but whether we believe the God we believe in. —R.C. Sproul

Moslems vir Christus

J. D. Greear (Breaking the Islam Code) sê dat Moslems wat tot geloof in Christus kom een van drie faktore noem vir hulle bekering.

Hulle kry ‘n Bybel. Argumente maak nie ‘n verskil nie – dit oortuig hulle nie om Christus te volg nie – hulle word net beter Moslems.

Vra hulle om, byvoorbeeld, die Evangelie volgens Johannes te lees. Wat help is blootstelling aan God se Woord. Die Woord is kragtig. Laat die Heilige Gees toe om die Bybel te gebruik om harte vir Christus te wen. Charles Spurgeon het altyd gesê die Bybel is soos ‘n leeu in ‘n hok – as dit aangeval word, hoef ons dit nie beskerm nie. Al wat ons moet doen is om dit los te laat.

Hulle sien die liefde in die geloofsgemeenskap. Die Moslem gemeenskap is naby aan mekaar, maar hierdie nabyheid is op skande en wederkerigheid gebou. As hulle hierdie gemeenskap verlaat, word hulle uitgewerp en vervolg. Christene bied vir hulle ‘n alternatiewe gemeenskap – een gebou op liefde, genade, aanvaarding en vergifnis. Dit is vir meeste Moslems iets vreemds. ‘n Goeie manier om dit vir Moslems te wys, is om hulle na jou huis te nooi. Francis Schaeffer het gesê: Love on display is the most effective apologetic.

‘n Droom of visioen. Baie van ons is skepties oor drome of visioene. Baie Moslems wat Christene word, doen dit as gevolg van ‘n droom of visioen. Ons weet nie hoekom nie, maar dit lyk asof God dikwels drome of visioene gebruik om Moslems te kry om dieper oor Christus na te dink.

Dit moet ons nederig maak, want dit laat ons besef dat die mag vir verlossing slegs van God kom. Bid vir en bid saam met jou Moslem vriende. Dan staan jy terug en laat God toe om sy werk te doen.