‘n Belangrike hulpbron vir uitreike

‘n Belangrike hulpbron vir uitreike

Lee Strobel, die bekend skrywer, sê dat daar in elke gemeente baie evangelistiese potensiaal is – en tog gebruik ons hulle selde. Hulle raak gefrustreer. Wie is hulle? Die Christelike eggenotes van mans wat nie glo nie. Thom Rainer bevind in sy navorsing dat die vrou die belangrikste verhouding is om mans wat nie glo nie, te bereik. In een-derde van gevalle sê mans dat hulle eggenotes die belangrikste faktor was om hulle weer in die kerk te kry.

 

Hoekom het gemeentes nie ‘n benadering om hierdie eggenotes te bemoedig en op te lei nie? Maar wat nou van 2 Korintiërs 6:14:? Hierdie is ‘n waarskuwing van Paulus dat Christene baie versigtig moet wees om met ongelowiges te trou. As dit egter gebeur, moet gemeentes alles moontlik doen om die Christen eggenote by te staan.

 

Petrus skryf ook hieroor: (1 Petrus 3:1 – 2).

 

Hoeveel sulke paartjies is daar in julle gemeente? Waarskynlik ‘n klompie. Wat doen die gemeente om voordeel te trek uit hierdie unieke vermoë van vroue om hulle maats te beïnvloed? Hierdie is ‘n kragtige manier van uitreik. Gebruik dit.

 

Lee Strobel en sy vrou, Leslie, het ‘n boek hieroor geskryf: Surviving a Spiritual Mismatch in Marriage om Christene op te lei om doeltreffend uit te reik na hulle maats wat nie glo nie.



Geestelik

Christianity is a faith that is based upon and rooted in miracles. Take away miracles, and you take away Christianity. —R.C. Sproul

(1 Korintiërs 2:13). Geestelik is vandag ‘n baie gewilde woord – ook in Paulus se dae was dit so. Hulle het ook geestelikheid begeer. Maar nie alles geestelik is waarlik geestelik nie.

Die geestelike persoon verstaan geestelike waarhede – hy ontvang wat die Gees oordra. Andersom: Die mens wat nie die Gees van God het nie, aanvaar nie die dinge van die Gees van God nie. Vir hom is dit onsin. Hy kan dit ook nie verstaan nie, omdat dit geestelik beoordeel moet word (2:14). Paulus onderskei hier tussen twee kategorieë mense: geestelike mense wat geestelike dinge aanvaar en “ongeestelike” mense wat nie geestelike dinge aanvaar nie. Wat ‘n mens geestelik maak, is die aanvaarding van geestelike dinge.

Die geestelike persoon is dus die persoon wat die boodskap van die kruis aanvaar. Ons is net geestelik as die Gees aan ons die vermoë gegee het om die goeie nuus aangaande Jesus Christus se dood en opstanding te aanvaar. Maak nie saak of jy van engele hou of hoe baie jy bid nie of hoe dikwels jy nadink nie of hoeveel jy in wonderwerke glo nie, as jy nie die kruis aanvaar nie, is jy nie ‘n geestelike persoon nie. Die geestelike persoon onderskei geestelike dinge beginnende by die offer van Christus aan die kruis vir mense soos ons. As ek die boodskap van die kruis verwerp, verwerp ek ook die Gees se werk om dinge vir ons te openbaar. Dan is ons nie geestelik nie.



Bonhoeffer (12)

Bonhoeffer (12)

Ek wil enkele gedeeltes uit 40-Day Journey with Dietrich Bonhoeffer (Augsburg Books) hanteer.

Bonhoeffer gee weer twee Bybelgedeeltes om ons te help:

  • (Matteus 5:9)
  • (Psalm 34:13 – 15).

Dink net aan die impak wat gelowiges en kerke op ‘n wêreld vol oorlog en stryd sou hê as hulle weer vredemakers word. Geweld bevorder nooit die saak van God se koninkryk nie. Daarom moet ons vir al die politici en regeringsleiers bid dat hulle vredemakers sal wees.

God van vrede, U gee aan my vrede – leer my om ‘n vredemaker te wees. Amen.



Jesus offer sy liggaam op

Jesus offer sy liggaam op

“

 

In sy bediening van drie jaar op aarde het Jesus gewys wat dit beteken om jou volkome aan God en ander te gee. Hy leer: So sal die laastes eerste wees, en die eerstes laaste (Matteus 20:16); Hy wat sy lewe wil behou, sal dit verloor; en hy wat sy lewe ter wille van My verloor, sal dit vind (Matteus 10:39).

 

Jesus beloof nie wêreldse sekuriteit nie. Wat Hy wel sê, is dat diegene wat Hom wil volg, bereid moet wees om op te offer – selfs hulle eie lewens. Ons sê ons wil saam met Jesus loop, maar intussen klou ons vas aan dinge wat ons glo ons sekuriteit sal waarborg. Omdat ons nie ons greep op hierdie dinge los nie, ondervind ons nie die Vader se grenslose liefde nie.

 

Jesus vra van ons om ons tyd en energie en hulpbronne vir sy Naam en heerlikheid op te offer.