Die kruis kan ons vrymaak

 

I have often been told that “broad” views are wanted in the present day. I wish to be as broad as the Bible, neither less nor more. —J.C. Ryle

 

Die  kruis kan ons vrymaak

Die kruis het die krag om ons van bande vry te maak, van negatiewe gevoelens insluitend bitterheid en wantroue. Daar is geen ander manier om van hierdie emosies wat jou neerdruk, ontslae te raak nie. Aan die kruis het Jesus die mag van sonde en die dood en die kettings in jou lewe verbreek en oorwin.

 

Die kruis verhoed dat ons slawe van die verlede en ons pynlike herinneringe word. Ons kan kies om te vergewe.

Ons weet tog dat die sondige mens wat ons was, saam met Christus gekruisig is, sodat ons sondige bestaan beëindig kan word. Ons is dus nie langer slawe van die sonde nie (Romeine 6:6).

 

Alle Christene moet vir vergifnis bid, sodat hulle van die seerkry en haat velos kan word. God verstaan hoe seer ons gekry het. Sê vir Hom dat jy nie langer die seer wil dra nie; dat jy nie ‘n bitter persoon wil wees nie. Maar ek het sy genade en krag nodig om van my seerkry ontslae te raak en te vergewe. Ons moet Hom vra dat ons kan vergewe soos Hy ons vergewe het. Ons moet bid dat Hy ons harte deur sy kruis sal genees.