DIE STRYD VIR JOU VERSTAND (1)

 

The ideal of religious tolerance has morphed into religious agreement – Stephen Prothero

Die stryd vir jou verstand (1)

Daar is ‘n intense, onsigbare stryd wat in ons woed. Dit is ‘n onregverdige stryd, want Satan baklei altyd onregverdig. Hierdie stryd gaan oor ons verstand. ‘n Belangrike ding wat ons moet leer, is hoe om ons verstand te beskerm, te versterk en te vernuwe.

‘n Goeie samevatting kry ons in 2 Korintiërs 10:3 – 5. Paulus sê die stryd is teen vestings wat vernietig moet word. Met God se  wapens vernietig ons die redenasies en elke hooghartige aanval wat teen die kennis van God gerig word.  So ‘n vesting mag na twee dinge verwys:

  • ‘n Wêreldsiening soos materialisme, ateïsme, relativisme … Dit is vestings wat mense teen die kennis van God opgestel het.
  • ‘n Persoonlike gesindheid. Dit gaan oor kommer, die soeke na die goedkeuring van ander, vrees, skuldgevoelens … – enigiets waarvan ek ‘n afgod in my lewe maak.

In hierdie gedeelte gaan Paulus verder: Ons neem elke gedagte gevange om dit aan Christus gehoorsaam te maak. Dit beteken ons moet elke gedagte beheer, oorwin en onderwerp. Ons doen dit om elke gedagte aan Christus gehoorsaam te maak. Die probleem is dat die verstand nie altyd luister nie – soms is dit opstandig en gaan in ‘n ander rigting as wat ek wil gaan. Die goeie wat ek wil doen, doen ek nie, maar die slegte wat ek nie wil doen nie, dit doen ek (Romeine 7:19).

Christene moet die stryd van die verstand kan stry.

Maar hoe kan ons hierdie stryd om ons verstand wen? Daarna gaan ons volgende keer kyk