God voorsien oorvloedig

A diffuse and vague guilt feeling kills the personality, whereas the conviction of sin gives life to it- Paul Tournier, Switserse psigiater

God voorsien oorvloedig

C. Christopher Smith en John Pattison het onlangs ‘n boek, Slow Church, geskryf wat besig is om baie aandag te geniet. Ek gaan ‘n aantal blogs aan hierdie boek spandeer.

The myth of scarcity ends in despair.  It gives us a present tense of anxiety, fear, greed and brutality … It tells us not to care about anyone but oorselves – Walter Brueggemann

Ons kan duidelik God se oorvloed in die skepping sien. God is lief vir sy skepping en voorsien wat nodig is vir die onsderhoud daarvan. Tog is ons huidige ekonomiese stelsels op die fondament van skaars hulpbronne gebou – die mite dat daar nie genoeg is nie. Dit is in teenstelling met wat die Bybel vir ons vertel.

 

Ons vrees dat daar nie genoeg hulpronne sal wees om in ons behoeftes te voorsien nie. Daar is ook nog ons begeertes: ons wil altyd meer hê sonder om dit wat ons reeds het in ag te neem. Die probleem is dat ons begeertes meestal fokus op dinge wat ons nooit volledig sal bevredig nie. Jesus waarsku ons: Niemand kan vir twee base tegelyk werk nie. Hy sal of die een minder ag en die ander hoër, óf vir die een meer oorhê en die ander een afskeep. Julle kan nie God en Mammon dien nie (Matteus 6:24). Hierdie begeertes van ons maak ons blind  vir die behoeftes van ander – mense wat werklik tekorte het.

Ook gemeentes, in belang van oorlewing, klou desperaat vas aan hulle hulpbronne. In ‘n ondersoek het Barna gekyk na wat gemeentes doen as hulle begrotings krimp. Sy bevindings: hulle verminder uitgawes; hulle verminder personeel en bedienings; hulle verminder uitgawes aan hulle fasiliteite. Almal redelik, maar almal fokus net op uitgawes en glad nie op die inkomstekant nie. Ons is heeltemal blind vir die oorvloedige hulpbronne wat God voorsien.

Hoe moet ons oor God se oorvloedige voorsiening in hierdie wêreld getuig? Dankbaarheid; vrygewigheid; gasvryheid. Lees net weer Handelinge 2: Die eerste gemeente. Hulle is nie gedryf deur vrees nie;  hierdie gemeente het nie opgegaar nie. Behoeftes was geleenthede vir mense met hulpbronne om na vore te tree en dit beskikbaar te stel.

Die probleem is dat hierdie kultuur van oorvloed soos ons dit in God se koninkryk kry heeltemal teenstrydig is met ons huidige kultuur gebou op skaarsheid. Ons is so vasgevang in hierdie skaarsheidmentaliteit dat ons nie die hulpbronne wat God voorsien kan raaksien nie.

God’s work done in God’s way will never lack God’s supply – Hudson Taylor

Volgende keer gaan ons na dankbaarheid kyk.