Lees die Bybel. Hoekom?

Lees die Bybel. Hoekom?

Natuurlik is dit belangrik dat Christene die Bybel moet lees. Die woord van God is lewend en kragtig. Dit is skerper as enige swaard met twee snykante en dring deur selfs tot die skeiding van van siel en gees en van gewrigte en murg (Hebreërs 4:12). Maar dit is belangrik dat alle mense die Bybel moet lees en nie net Christene nie.

Die Bybel is steeds die boek wat jaar na jaar die meeste verkoop in die wêreld. Dit is ‘n kragtige mag wat steeds die wêreld vorm. Net bloot uit die oogpunt van ons taal en kultuur is dit dus belangrik om die literatuur van die Bybel te verstaan.