Perfeksionisme kan jou bediening skade aandoen

 

There is a power in the direct glance of a sincere and loving human soul, which will do more to dissipate prejudice and kindle charity than the most elaborate arguments – George Elliot

 

Perfeksionisme kan jou bediening skade aandoen

Hoe is dit moontlik? Hier is ‘n paar redes waarom die strewe na volmaaktheid jou bediening skade kan aandoen.

  • Jy sal nooit self volmaak wees nie. Ons weet dit, maar leef asof dit nie die waarheid is nie.
  • Die mense in jou span sal nooit volmaak wees nie. Jesus se dissipels was nie volmaak nie. Hulle het gestry; hulle het misluk. As jy ‘n perfeksionis is, sal lidmate jou altyd teleurstel.
  • Jy spandeer baie tyd om ander se werk reg te maak. Al vra jy ander om te help, stap die perfeksionis agter hulle aan om seker te maak hulle doen dinge soos hy dit wil hê.
  • Jy gebruik nie jou gawes ten volle nie. Dit is moeilik om jou gawes ten volle te gebruik as jy gedurig agter ander aanloop en doen wat ander veronderstel is om te doen nie.
  • Jy lei nie ‘n 1 Korintiërs 12 gemeente nie. Daar lees ons dat die gemeente bestaan uit gelowiges met verskillende gawes – almal met ‘n plek in die gemeente. As almal soos jy moet wees en aan jou standaarde moet voldoen, sal jy nie hierdie wonderlike diversiteit kry nie.
  • Jy laat nie ander toe om in die geloof te groei nie. Perfeksioniste het nie baie geduld met mense wat tyd vereis om te leer hoe om God te volg, hoe om Hom te dien nie.
  • Jy het ‘n neiging om jou fokus op genade te verloor. Genade veronderstel mislukking. Daarvan hou perfeksioniste niks nie.
  • Jy slaap sleg. Mense wat nie na volmaaktheid streef nie verhoed dat perfeksioniste hulle doelwitte bereik – dit frustreer hulle.
  • Perfeksionisme is afgodery. Ek verwag van myself om alles volmaak reg te doen. Daarmee plaas ek my in God se posisie. Dit is sonde

 

Perfection is spelt P-A-R-A-L-Y-S-I-S (Winston Churchill)