“Art, like morality, consists of drawing the line somewhere.” – G. K. Chesterton

Bonhoeffer (19)  

Ek wil enkele gedeeltes uit 40-Day Journey with Dietrich Bonhoeffer (Augsburg Books) hanteer.

Jy kla dat jy nie kan glo nie. Niemand moet verbaas wees as hy nie kan glo so lank as wat hy doelbewus ongehoorsaam is nie – as hulle wegvlug van sekere aspekte van Jesus se opdrag.

Jy wil tog nie ‘n sondige passie of hoop of lewensplan onderwerp aan Jesus se opdrag nie. Moenie verbaas wees as jy nie die Heilige Gees ontvang nie – as jou gebede leeg bly nie. 

Versoen jouself met jou broer en suster; los die sonde wat jou gevange hou; jy sal gou uitvind dat jy weer kan glo. As jy God se opdragte verwerp, sal jy nie sy genade ontvang nie. Die ongehoorsames kan nie glo nie … net mense wat gehoorsaam is, kan glo.

When God creates faith in a man, that is verily so great a work as if He created heaven and earth anew – Martin Luther.

Bonhoeffer (18)

Ek wil enkele gedeeltes uit 40-Day Journey with Dietrich Bonhoeffer (Augsburg Books) hanteer.

Net die gehoorsame persoon kan glo. ‘n Konkrete opdrag moet gehoorsaam word as ons wil glo. Die eerste stap wat ons moet neem, is gehoorsaamheid.

Geloof mag nie vroom selfmisleiding – goedkoop genade – word nie. Hierdie eerste stap is belangrik. Dit verskil van al die ander stappe wat volg. Dit is hierdie eerste stap van gehoorsaamheid wat Petrus by sy nette en boot weggetrek het. Dit is die stap wat die ryk jongman weg van sy rykdom moes getrek het. Geloof is slegs moontlik as ons ‘n nuwe bestaanswyse het – een gevorm deur gehoorsaamheid.

Bonhoeffer gee weer twee Bybelgedeeltes om ons te help:

• Eendag toe Jesus langs die See van Galilea loop, het Hy vir Simon en Simon se broer Andreas gesien waar hulle besig was om werpnette in die see uit te gooi. Hulle was vissers van beroep. Hy het toe vir hulle gesê: “Kom hier! Kom saam met My, en Ek sal julle vissers van mense maak.” Onmiddellik het hulle die nette gelos en Hom gevolg Markus 1:16 – 18).
• Kom ons val in eerbetoon voor Hom neer, kom ons buig, kom ons kniel voor die Here ons Skepper! Hy is ons God en ons is sy volk, sy kudde, sy skape, deur sy hand versorg (Psalm 95:6 – 7).

Ons moet bid dat ons, ons gesinne en ons vriende die moed sal hê om gehoorsaam te wees wanneer en waarvoor God ons roep.

Genadige God, gee aan my die wysheid dat ek kan sien wat U wil hê ek moet doen en die moed om dit te doen. Amen.

Affliction is often that thing which prepares an ordinary person for some sort of an extraordinary destiny. C. S. Lewis

Bonhoeffer (17)

Ek wil enkele gedeeltes uit 40-Day Journey with Dietrich Bonhoeffer (Augsburg Books) hanteer.

Kosbare genade is die verborge skat waarvoor mense met blydskap alles wat hulle het, sal verkoop. Dit is die kosbare pêrel waarvoor die handelaar alles sal verkoop. Dit is die oproep van Jesus wat maak dat ‘n dissipel sy nette verlaat en Hom volg.

Kosbare genade is die Blye Boodskap wat weer en weer gesoek moet word; die gawe waarvoor ons moet vra; die deur waar ons moet klop. Dit is kosbaar, want dit vereis dissipelskap; dit is genade, want dit vra dat ons Jesus Christus moet volg, Dit is duur, want dit kan mense se lewens opeis; dit is genade, want dit laat hulle leef. Dit is duur, want die veroordeel sonde; dit is genade, want dit koop die sondaar vry. Dit is veral duur, want God moes sy Seun opgee – Hy het ons vir ‘n prys gekoop. Niks kan tog vir ons goedkoop wees as dit vir God duur was nie. Dit is veral genade, want die lewe van sy Seun was nie vir God ‘n te groot prys om te betaal sodat ons kan lewe nie. Genade is duur, want dit dwing mense om God se juk te dra; dit is genade, want Jesus sê: My juk is sag en my las is lig (Matteus 11:30).

Bonhoeffer gee weer twee Bybelgedeeltes om ons te help:

• Julle is gekoop, en die prys is betaal. Julle moet God dus in julle liggaam verheerlik (1 Korintiërs 6:20).
• Roem sy heilige Naam, laat dié wat die teenwoordigheid van die Here soek, bly wees. Soek hulp en beskerming by die Here, soek gedurig sy teenwoordigheid (Psalm 105:3 – 4)

Duur genade beteken dat ek Jesus volg; goedkoop genade beteken dat ek sekere dinge aangaande Hom glo, maar Hom nie volg nie. Wat sou dit vir ons beteken as ons ons nette los en Jesus volg?

Dankie, o God, vir die duur genade wat U vryelik aan ons bied en wat my ‘n dissipel van Jesus Christus gemaak het. Amen.

If we are going to worship in Spirit, we must develop a spirit of worship.” — Michael Catt

Bonhoeffer (16)

Ek wil enkele gedeeltes uit 40-Day Journey with Dietrich Bonhoeffer (Augsburg Books) hanteer.

Die wêreld van goedkoop genade het reeds meer Christene verwoes as enige gebod oor werk …

Mense moet bely dat goedkoop genade gemaak het dat hulle Jesus Christus nie meer volg nie. Toe hulle opgehou het om Christus te volg, het hulle die kennis van duur genade verloor. Ons staan nie langer meer as ware dissipels van Christus nie. As ons lidmate is van ‘n kerk met ‘n suiwer leer van genade dan sal ons nie langer goedkoop genade aanvaar nie. Ons moet leer om weer die korrekte verhouding tussen genade en dissipelskap te verstaan.

Bonhoeffer gee weer twee Bybelgedeeltes om ons te help:

• Wat moet ons nou hiervan sê? Moet ons aanhou sonde doen sodat die genade kan toeneem? Beslis nie. Hoe kan ons wat dood is vir die sonde, nog daarin voortlewe? Of weet julle nie dat ons almal wat in Christus Jesus gedoop is, in sy dood gedoop is nie? Deur die doop is ons immers saam met Hom in sy dood begrawe, sodat, soos Christus deur die wonderbaarlike magsdaad van die Vader uit die dood opgewek is, ons ook so ‘n nuwe lewe kan lei (Romeine 6:1 – 4).
• Here, almagtige God, laat dit weer met ons goed gaan, verskyn tog tot ons redding! (Psalm 80:20).

Ons moet bid dat die kerk en alle Christene nie toegee aan die aantrekkingskrag van goedkoop genade nie.

Here, ek sal U volg, maar nie saak wat die koste is nie. Lei my op die pad van ware dissipelskap. Amen.