If God were small enough to be understood He would not be big enough to be worshipped. —Evelyn Underhill

‘n Gebed vir Sandy Hook-laerskool

Die bekende skrywer, Max Lucado, het die volgende gebed geskryf na aanleiding van die skietery by Sandy Hook-laerskool skool. Treffend.

Dear Jesus,

It’s a good thing you were born at night. This world sure seems dark. I have a good eye for silver linings. But they seem dimmer lately.

These killings, Lord.  These children, Lord.  Innocence violated.  Raw evil demonstrated.

The whole world seems on edge. Trigger-happy. Ticked off. We hear threats of chemical weapons and nuclear bombs. Are we one button-push away from annihilation?

Your world seems a bit darker this Christmas.  But you were born in the dark, right? You came at night. The shepherds were nightshift workers. The Wise Men followed a star. Your first cries were heard in the shadows. To see your face, Mary and Joseph needed a candle flame. It was dark. Dark with Herod’s jealousy. Dark with Roman oppression. Dark with poverty.  Dark with violence.

Herod went on a rampage, killing babies. Joseph took you and your mom into Egypt. You were an immigrant before you were a Nazarene.

Oh, Lord Jesus, you entered the dark world of your day. Won’t you enter ours? We are weary of bloodshed. We, like the wise men, are looking for a star. We, like the shepherds, are kneeling at a manger.

This Christmas, we ask you, heal us, help us, be born anew in us.

Hopefully,

Your Children

No man, for any considerable period, can wear one face to himself and another to the multitude, without finally getting bewildered as to which may be true. -Nathaniel Hawthorne, skrywer (1804-1864)

Nehemia – Gebed (3)

Daar is al heelwat boeke oor Nehemia as leier geskryf. Nou het nog ‘n nuwe boek verskyn: Leader after God’s own Heart deur Jim George (2012). Kom ons kyk na sekere aspekte van Nehemia se leierskap.

Kenmerk #2: Gebed … bemagtig jou leierskap

Die waarde van gebed in die lewe van ‘n leier

Ons geleenthede om te bid gebeur nie in ‘n lugleegte nie. Hulle word gewoonlik deur onlangse gebeure gepresipiteer. Dit is belangrik om te bid terwyl die las nog in jou hart brand. Toe Nehemia van die probleme hoor, bid hy onmiddellik. As gebed nie ons natuurlike en gereelde reaksie is nie, stoot ons dit op die agtergrond. Ons stel uit – daar is altyd ander “dringende” gebeure wat ons aandag nodig het.

‘n Werklikheidskontrole: Jy moet besluit hoe belangrik gebed in jou lewe is. Dit is ‘n besluit wat jy moet neem en ‘n dissipline wat jy moet ontwikkel. As jy wil hê God moet jou as leier gebruik, moet jy ‘n man van gebed wees. Jy kan nie bekostig om nie te bid nie. Daarvoor is die las van leierskap te groot. Jy kan nie al die verantwoordelikhede alleen dra nie – veral nie as God beskikbaar en gewillig is om te help nie. Jy kan lei sonder God, maar jy sal nooit ‘n groot leier wees nie.

Kyk na hierdie beginsels van Nehemia se gebedslewe:

• Bid vir die behoeftes van ander. Nehemia was terdeë bewus van die behoeftes van sy mense. Daarom bid hy en soek ‘n manier om hulle te help.
• Bid met ‘n oop gemoed. Terwyl Nehemia gebid het, sien hy dat God se doel hom betrek. God kan moontlik sy doel vir jou in gebed openbaar.
• Bid met ‘n gewillige hart. Nehemia aanvaar in gehoorsaamheid God se leiding om hom te gebruik as deel van die oplossing. Hy los sy werk. Miskien verwag God van ons dat ons sekere van ons aktiwiteite opsy moet skuif sodat ons sy plan kan uitvoer.
• Bid vir die visie. Nehemia kon nie God se doel – die herbou van die muur – alleen vermag nie. Vir meeste van ons projekte geld dieselfde. Bid dat God ander ook van die visie sal oortuig.
• Bid volhardend. Moenie ophou as dit lyk asof God nie hoor nie. Nehemia het vir vier maande gebid voor hy ‘n duidelike reaksie van God gekry het. Toe hy later voor teenstand te staan kom, bid hy weer totdat die muur voltooi is.
• Bid vir jou eie optrede. Nehemia bid en vra vergifnis van sy sonde.
• Bid vir rigting. Nehemia bid by elke stap langs die pad – hy wil seker maak dit is volgens God se wil. Elke keer na hy gebid het, tree hy op.
• Bid en tree dan op. Gebed vervang nie optrede nie. Daar moet ‘n balans tussen gebed en optrede, tussen geloof in God en om God te volg, bid vir God se wil en doen van God se wil wees.  Moenie uitstel om dit wat reg is te doen nie – al is dit om te bid. Soms mag dit lank duur voor God ons gebede beantwoord, maar as die antwoord kom, beweeg vorentoe met geloof en kyk hoe God die deure oopmaak.

Gebed is seker een van die belangrikste kenmerke van ‘n groot leier. Bid sonder ophou.

Christian love is never theoretical or abstract; it is always practical. —Alexander Strauch

Nehemia – Gebed (2)

Daar is al heelwat boeke oor Nehemia as leier geskryf. Nou het nog ‘n nuwe boek verskyn: Leader after God’s own Heart deur Jim George (2012). Kom ons kyk na sekere aspekte van Nehemia se leierskap.

Kenmerk #2: Gebed … bemagtig jou leierskap

Hoekom is gebed belangrik in die lewe van ‘n leier?

• Gebed wys dat jy van God afhanklik is.
• Gebed skakel trots en selftevredenheid uit.
• Gebed dwing jou om verder as jouself en jou eie vermoëns en tekortkominge te kyk.
• Gebed laat jou wag – jy kan nie bid en vorentoe beweeg terselfdertyd nie.
• Gebed verskerp jou visie. Meeste besluite gaan met ‘n mate van onsekerheid gepaard. Gebed maak alles duideliker.
• Jy kan nie bid en jouself bekommer terselfdertyd nie. Knees don’t knock when you kneel on them
• Gebed versterk geloof. Gebed wys dat jy God vertrou; dit spoor jou aan tot nog meer vertroue in Hom.

Die krag van een leier se gebed

Die leiers in die Bybel betrek God by hulle persoonlike lewe en by die besluite wat hulle neem. Hulle besef dat net God se toetrede  ‘n ramp kan verhoed. ‘n Baie goeie voorbeeld is Koning Hiskia (2 Konings 18:9 – 19:37). ‘n Groot Assiriese leër val die kleine Juda binne. Jerusalem word omsingel. Dit is duidelik dat Hiskia nooit die Assiriërs sou oorwin nie – sy leër was te swak om sy mense te beskerm. Wat doen hy? Hiskia het die briewe wat die gesante gebring het, gevat en gelees. Daarna het hy na die huis van die Here toe gegaan en die briewe voor die Here oopgesprei. Toe het hy tot die groot Here gebid: “Here, God van Israel, U wat oor die gerubs troon, U alleen is God oor al die koninkryke van die aarde, U het die hemel en die aarde gemaak. Hoor tog, Here, luister, kyk tog, Here, let tog op … Here, onse God, red ons tog uit die mag van die Assiriese koning. Dan sal al die koninkryke van die aarde besef dat U, Here, alleen God is.” (19: 16 – 19). Wat was die gevolg van Hiskia se gebed? 185 000  Assiriese soldate sterf in hulle slaap. Die Assiriese koning trek terug.

 ‘n Lewe van gebed

Nehemia het pas ontstellende nuus gehoor. Na al die jare lê die muur steeds om en die mense kry swaar. Die verslag was so ontstellend  dat hy gaan sit het, gehuil het en dae lank getreur het (1:4). Wie sê dat ‘n leier geen emosie mag wys nie? Die vraag is of hierdie hartseer jou verlam of neem jy die eerste tree: Ek het gevas en tot die God van die hemel gebid. Draai ons onmiddellik na God vir vertroosting? Om sy wil uit te vind? Om beter te verstaan wat in jou lewe aangaan? Om God se leiding te soek vir die besluite wat jy moet neem? Dwarsdeur die boek lees ons van Nehemia wat bid. Dit was hoe hy probleme hanteer het.

Where the light is brightest, the shadows are deepest. -Johann Wolfgang von Goethe (1749-1832)

Nehemia – Gebed (1)

Daar is al heelwat boeke oor Nehemia as leier geskryf. Nou het nog ‘n nuwe boek verskyn: Leader after God’s own Heart deur Jim George (2012). Kom ons kyk na sekere aspekte van Nehemia se leierskap.

Ons kom nou by die tweede kenmerk van ‘n leier: gebed.

Kenmerk #2: Gebed … bemagtig jou leierskap

“Ag, Here, luister tog na die gebed van u dienaar en na die gebed van u dienaars, hulle vir wie dit ‘n vreugde is om u Naam te eer. Laat my tog voorspoedig wees met wat ek vandag wil doen. Laat hierdie man my simpatiek gesind wees.” Ek was die koning se skinker (1:11)

Gebed mag nooit ‘n laaste uitkoms wees nie – as niks anders werk nie. Nehemia, soos Daniël, het tyd ingeruim om elke dag te bid. Hy het gebid vir die ballinge wat na Jerusalem toe teruggekeer het; vir die herstel van Jerusalem. Maar op hierdie spesifieke dag was dinge radikaal anders. Hy het ontstellende nuus gehoor; sy hart was stukkend. God se Naam en sy heerlikheid het skynbaar niks vorentoe beweeg nie. Jerusalem is steeds vervalle; God se mense kry swaar.

Wat kan Nehemia doen? Hy sit ver van hulle af. Bid. Hy vra God om tussenbeide te tree: Ag, Here, God van die hemel, groot en ontsagwekkende God wat u verbond en u troue liefde handhaaf teenoor dié wat vir U liefhet en u gebooie gehoorsaam, luister tog, gee tog ag op die gebed wat ek, u dienaar, sonder ophou tot U bid (1:5 – 6).

Nehemia is ‘n leier, maar ‘n leier met ‘n probleem. Hy weet egter hoe om by God krag te kry vir dit wat hy moet doen. Hy weet hy moet eers na God kyk en dan kan hy ander lei. Hy weet ook dat ‘n leier afhanklik van gebed moet wees.

Watter eienskappe moet ‘n leier hê? Daar is baie boeke met lang lyste. Meeste lyste verwys nie na gebed nie. Baie leiers sien gebed selfs as ‘n teken van swakheid. Maar as ons werklik groot leiers wil wees, moet ons, soos Nehemia, gereeld bid – ons moet besef dat Jesus Christus ons kragbron is.