Woorde uit die Bybel – Geloof (4)

Woorde uit die Bybel – Geloof (4)

Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Hoe lyk ‘n lewe van geloof? Geloof vat die hele lewe van die Christen saam. Julle moet ophou om julle te gedra soos mense wat nie die Here ken nie. Daar is niks wat die moeite werd is in sulke mense se koppe nie (Efesiërs 4:17).

Die Hebreërbrief het baie oor geloof te sê. Kom ons kyk daarna:

‘n Definisie van wat geloof is: Geloof of vertroue in God beteken om nie een oomblik te twyfel nie dat Hy sy beloftes sal hou en om daarna uit te sien. Ons kan dit wel nie nou al sien nie, maar ons weet vir seker dat dit sal gebeur (12:1).

Ons eer God deur sy woord oor dinge te aanvaar: Tog het Abraham op die Here vertrou en pa geword. Hy het geglo dat God die belofte wat Hy gemaak het, nie sou breek nie (11:11).

Geloof beteken ons benader God deur Jesus Christus sonder vrees: Ons hoef dus nie bang te wees of te wonder of ons na God toe mag gaan nie. Ons kan maar gaan, want God sal baie goed wees vir ons. Wanneer ons dit nodig het, sal God vir ons meer gee as wat ons verdien en ons met sy liefde ontvou (4:16).

Deur geloof kry ons krag om die geestelike stryd te wen (11:32 – 38).

Deur geloof verduur ons vyandigheid van binne: Hulle moedig ons aan om gelowig vol te hou met die wedloop. Laat ons dan ontslae raak van enigiets wat ons hinder om die wedloop van die lewe behoorlik te hardloop (12:1).

Deur geloof verduur ons vyandigheid van buite: Dink aan alles wat hy moes deurmaak, ja, aan al die slegte dinge wat die sondige mense aan Hom gedoen het. As julle sy voorbeeld volg, sal julle nooit moedeloos word en tou opgooi nie (12:3).

Deur geloof skep ons moed uit voorbeelde van liefde: Moenie die geestelike leiers vergeet wat die boodskap van God aan julle vertel het nie. Kyk hoe hulle geleef het tot hulle dood is en vertrou dan op die Here net soos hulle op Hom vertrou het (13:7).

In geloof stry ons teen versoekings, ongeloof, apatie en ongehoorsaamheid: Moet dus nie toelaat dat daar ‘n krakie in julle vertroue op God kom nie. Wie op God bly vertrou, sal ‘n groot beloning by Hom kry. Julle moet tot elke prys vasbyt. As julle so aanhou om te doen wat God wil hê, sal Hy sorg dat julle kry wat Hy vir julle beloof het (10:35 – 36).

Ons versterk ons geloof deur ons oë op God gerig te hou. Ons dink aan alles wat Hy vir ons belowe het en ons dink terug aan alles wat Hy reeds vir ons gedoen het.

Woorde uit die Bybel – Geloof (3)

Woorde uit die Bybel – Geloof (3)
Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Hoekom kan ons net deur geloof verlos word? Christus is ons Verlosser. Geloof beteken dat ek na Christus kom. Goeie nuus! God se oordeel is vir altyd verby vir elkeen wat aan Christus Jesus behoort (Romeine 8:1). Ons is ook kinders, en dus erfgename, van God: Almal wat hulle deur die Heilige Gees laat lei, is kinders van God (Romeine 8:14). Maar die Heilige Gees gaan verder: Verder is dit ook Hy wat nou ‘n diep verlange na God in julle binneste wakker maak. Die Gees roep voortdurend in julle binneste uit: “Vader, liefdevolle Vader!” Hy sorg dat daar ‘n onbreekbare band tussen God en julle is (Romeine 8:15). Dit alles beteken dat Christus voldoende is as ons Verlosser – ons het niks meer nodig nie. Toe die tronkhoof in Filippi vir Paulus vra wat hy moet doen om in die regte verhouding met God te kom, antwoord Paulus hom: Glo in die Here Jesus … Dan sal God jou red en as sy kind aanvaar (Handelinge 16:31).

Hoe lyk ‘n lewe van geloof? Daarna kyk ons volgende keer.

Woorde uit die Bybel – Geloof (2)

Woorde uit die Bybel – Geloof (2)
Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Waarop berus sekerheid van ons geloof? Nie op rede of eksperimentele bewyse nie. Ons kan nie onafhanklik kontroleer van wat van God in die Bybel vertel word nie. Koning Dawid sê: Groot Here, U alleen is God. U woorde word waar; ook hierdie mooi woorde wat U vir my gesê het (2 Samuel 7:28). Waar kry ons hierdie woorde van God? In die Bybel. Wie egter luister na wat Hy sê, bevestig daarmee dat God waar is en dat die waarheid van God af kom (Johannes 3:3); So ‘n ongelowige weier sowaar om die getuienis wat God self oor sy Seun gelewer het, ernstig op te neem (1 Johannes 5:10).

Ons geloof begin daar waar die evangelie gelees en gehoor word en ons besef dat dit die waarheid aangaande God is. My Vader wat My gestuur het, trek mense na My toe wat by My hoort. Dit is die mense wat Ek op die dag van die wederkoms uit die dood sal laat opstaan. Julle moet dus nie die idee kry dat julle op julle eie sonder my Vader deel sal word van God se familie nie (Johannes 6:44). Geloof beteken dus dat God in sy genade ons oë oopgemaak het.

Ons sit nog met ‘n belangrike vraag wat ons moet antwoord: Hoekom verlossing net deur geloof? Daarna kyk ons volgende keer.

Woorde uit die Bybel – Geloof (1)

Matthew B. Redmond

Woorde uit die Bybel – Geloof (1)
Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

(Romeine 3:28). Hier kry ons die groot verskil tussen die Joodse en Christelike godsdiens. Tydens die Hervorming was een van die hoekstene sola fida – deur geloof alleen. Vandag word die klem op alleen weer bevraagteken.

As geloof dan so belangrik is: Wat is geloof? Vertroue sonder ‘n voorwerp waarop vertrou word, is nie geloof nie; vertroue op die leer van ‘n spesifieke kerk is nie geloof nie. Maar wie is die voorwerp van Christelike geloof? Paulus sê dit is almal wat glo in God (Romeine 4:24) en vir mense wat in Jesus Christus glo (Romeine 3:22). Goed en wel, maar wat beteken dit in die praktyk?

Ek glo in God se beloftes.

Ek glo in die opstanding van Jesus Christus: Dit is baie maklik om gered te word. Al wat jy moet doen, is om met jou woorde te erken Jesus is die Here en om met alles in jou te glo God het Hom uit die dood laat opstaan (Romeine 10:9).

Ek glo aan die evangelie: Ruk julle reg en draai na God toe. Luister na die goeie nuus (= die evangelie) en maak dit julle eie (Markus 1:15).

Ek glo aan die getuienis van die apostels: Op daardie dag wanneer Christus terugkom, gaan al hierdie dinge waaroor ek nou met julle praat voor julle eie oë gebeur. Almal wat aan Hom behoort, sal dan in bewondering voor Hom kom staan. Julle sal ook daar wees vir die fees, want julle het ons prediking met julle hele lewe geglo (2 Tessalonisense 1:10).

Met hierdie as agtergrond kan ons volgende keer na die Bron van ons geloof kyk.