It is very rare for the spirituality of a group of Christians to exceed that of its leaders. —John Benton

Het ons ons godsdiens afgewater? En nou? (1)

Daar het die afgelope aantal jare heelwat boeke verskyn waarin gesê word dat die kerk sy boodskap afgewater het. (Michael Horton se  Christless Christianity en David Platt se Follow Me. A call to die; a call to live is goeie voorbeelde hiervan) Ons aanvaar sekere waarhede en bid die sondaar se gebed en glo alles is reg – ons is nou Christene. Maar dit is nie waar nie.

Ons het nou na verskeie aspekte gekyk waar ons ons godsdiens afgewater het. David Platt eindig sy boek af met ses vrae.

• ØHoe kan ek my denke met die waarheid vul?

Om Jesus Christus te volg, moet ons in Hom glo; om in Hom te glo, moet ons na Hom luister. Die lewe van ‘n dissipel is een van leer. Ons moet gedurig na sy woorde luister, soos: Verder, broers, alles wat waar is, alles wat edel is,  alles wat reg is, alles wat rein is, alles wat mooi is, alles wat prysenswaardig is – watter deug of lofwaardige saak daar ook mag wees – daarop moet julle julle gedagtes rig (Filippense 4:8). Hoe doen ons dit?

• §Hoe gaan ek God se woord lees? Werk vir jou ‘n plan uit om sy woord sistematies te lees – alles, nie net sekere gedeeltes nie.
• §Hoe sal ek God se woord aan ander leer? Eredienste en kleingroepe is belangrik, maar om met ‘n broer/suster te gaan sit en oor God se woord te praat, is selfs belangriker.

Maar ons moenie net hoor nie, ons moet God se woord gehoorsaam en toepas. Ek hou hiervan: Ons lees nie vir informasie nie, maar vir transformasie.

• ØHoe sal ek my liefde vir God aanwakker?

Ons doel is om God te gehoorsaam, maar ook om Hom lief te hê.

• §Hoe sal ek Hom aanbid? En nou doen ek ‘n beroep op julle, broers, op grond van die groot ontferming van God: Gee julleself aan God as lewend en heilige offers wat vir Hom aanneemlik is, Dit is die wesenlike van die godsdiens wat julle moet beoefen (Romeine 12:1) Ons hele lewe bestaan uit aanbidding – elke faset daarvan.
• §Hoe sal ek bid? As jy bid, gaan na jou kamer toe, maak die deur toe en bid tot Jou Vader wat jy nie kan sien nie. Jou Vader wat sien wat verborge is, sal jou beloon (Matteus 6:6). Kry ‘n plek en ‘n spesifieke tyd waar jy jou afsonder en met God praat.
• §Hoe sal ons vas? In Matteus 6:16 – 18 kry ons riglyne oor hoe om te vas. Ons vas nie meer nie, maar dit is ‘n praktyk wat groot vrug kan dra, want dit fokus jou aandag op God.
• Ons kan nie ons geloof in Jesus Christus skei van ons gevoel vir Hom nie. Dissipels aanbid, bid, vas en gee omdat ons die Here liefhet.

  Volgende keer gaan ons na die ander vrae kyk.

We may easily be too big for God to use, but never too small. —D.L. Moody

Het ons ons godsdiens afgewater? Jesus Christus se gesag

Daar het die afgelope aantal jare heelwat boeke verskyn waarin gesê word dat die kerk sy boodskap afgewater het. (Michael Horton se  Christless Christianity en David Platt se Follow Me. A call to die; a call to live is goeie voorbeelde hiervan) Ons aanvaar sekere waarhede en bid die sondaar se gebed en glo alles is reg – ons is nou Christene. Maar dit is nie waar nie.

Hoe weet ons dat Jesus Christus se woorde wat 2 000 jare gelede geskryf is nog waar is. Intussen het daar tog baie dinge gebeur en dinge het verander.

Die gesag van Jesus Christus se woorde is aan sy opstanding gekoppel. As Hy nie opgestaan het nie, hoef ons nie sy woorde te ernstig op te neem nie. Dan was Hy soos enige ander godsdienstige leermeester.

‘n Ongelooflike hoofstuk is 1 Korintiërs 15 waarin Paulus agtereenvolgens die volgende temas hanteer: Die opstanding van Christus, die opstanding van die dooies en die opstandingsliggaam. Hier skryf Paulus onder andere aan wie Jesus Christus na sy opstanding verskyn het. Ek hou van hierdie aanhaling van Pascal: I believe witnesses who get themselves killed. [Op die webblad is daar artikels oor die bewyse dat Jesus opgestaan het. Ek gaan dit nie hier verder bespreek nie,]

As Jesus Christus dan opgestaan het en die dood oorwin het, moet ons aanvaar wat hy gesê het. Die opstanding bevestig die betroubaarheid en tydloosheid van Jesus Christus se onderrig. Daarom moet ons sy Woord as betroubaar aanvaar.

When Satan tells me I am a sinner he comforts me immeasurably, since Christ died for sinners. —Martin Luther

Het ons ons godsdiens afgewater? Jesus Christus: my persoonlike Here en Verlosser

Daar het die afgelope aantal jare heelwat boeke verskyn waarin gesê word dat die kerk sy boodskap afgewater het. (Michael Horton se  Christless Christianity en David Platt se Follow Me. A call to die; a call to live is goeie voorbeelde hiervan) Ons aanvaar sekere waarhede en bid die sondaar se gebed en glo alles is reg – ons is nou Christene. Maar dit is nie waar nie.

Ons hoor dikwels mense sê: Ek het besluit om Jesus Christus my persoonlike Here en Verlosser te maak. Is dit reg? Ons kan tog nie besluit om Hom Here te maak nie – Hy is reeds Here maak nie saak wat ons besluit nie.

Daarom het God Hom ook tot die hoogste eer verhef en Hom die Naam gegee wat bo elke naam is, sodat in die Naam van Jesus elkeen wat in die hemel en op die aarde en onder die aarde is, die knie sou buig (Filippense 2:9 – 10).

Die vraag is nie of ons Hom ons persoonlike Heer gaan maak nie, maar of ons ons aan Hom gaan onderwerp – die knie voor Hom gaan buig. Die probleem is dat ons ons geloof herdefinieer om in te pas by ons voorkeure, tradisies en kultuurnorme. Ons verander Jesus Christus in iemand waarmee ons meer gemaklik is. Ons water dit wat Hy sê oor die prys om Hom te volg af; ons verontagsaam wat Hy sê oor mense wat weier om Hom te volg; ons ignoreer wat hy oor materialisme sê; ons hoor nie wat Hy oor roeping en sending sê nie … Ons kies waarvan ons hou. Ons eindig met ‘n aangename, aanvaarbare, polities korrekte, middelklas Jesus wat soos ons lyk en dink.

Die probleem is dat ons nie Jesus kan aanpas of herinterpreteer of verander nie, want Hy het Hom duidelik in sy Woord geopenbaar. Ons kan Hom nie verander nie – Hy verander ons. Jesus is nie ons persoonlike Here en Verlosser omdat ons Hom goedgekeur het nie – Hy is die Here en Verlosser van die heelal.

Ons het nou baie gepraat oor Jesus se opdrag om Hom te volg, maar wat van geloof. Daarna kyk ons volgende keer.

There is dust enough on some of your Bibles to write “damnation” with your fingers – C. H. Spurgeon

Het ons ons godsdiens afgewater? ‘n Nuwe Gees

Daar het die afgelope aantal jare heelwat boeke verskyn waarin gesê word dat die kerk sy boodskap afgewater het. (Michael Horton se  Christless Christianity en David Platt se Follow Me. A call to die; a call to live is goeie voorbeelde hiervan) Ons aanvaar sekere waarhede en bid die sondaar se gebed en glo alles is reg – ons is nou Christene. Maar dit is nie waar nie.

In die vorige blog het ons gesien dat ons ‘n nuwe hart nodig het. Kom ons kyk weer na Esegiël 36:26 waar God sê dat Hy vir ons ‘n nuwe hart gaan gee – maar ook ‘n nuwe Gees: Ek sal my Gees in julle gee en Ek sal maak dat julle volgens my voorskrifte leef en my bepalings gehoorsaam en nakom.

Jesus sê vir Nikodemus dat hy uit water en Gees weer gebore moet word (Johannes 3:5). God vergewe nie net ons sonde nie, maar hy vul ook ons lewens met sy Heilige Gees: Omdat die Gees van Hom deur wie Jesus uit die dood opgewek is, in julle woon, sal Hy deur wie Christus uit die dood opgewek is, ook julle sterflike liggame lewend maak deur sy Gees wat in julle woon (Romeine 8:11).

Jesus Christus leef nou in ons. Hy verbeter nie net ons ou lewens nie, maar gee aan ons ‘n nuwe lewe – ‘n lewe verenig met syne. Nou word alles wat aan Hom behoort ook aan ons – sy liefde, vreugde, krag, denke, begeertes, ens word nou ons s’n. Dit beteken ons lewens verander radikaal.

Ons word nou dissipels/volgelinge van Jesus Christus. Dit het ‘n besliste implikasie: dissipel wees, beteken dissipels maak.