‘n Nuwe Kategismus: Vraag 36

“Good character is not formed in a week or a month. It is created little by little, day by day. Protracted and patient effort is needed to develop good character.” –Heraclitus

‘n Nuwe Kategismus: Vraag 36

Vraag:

Wat glo ons aangaande die Heilige Gees?

Antwoord:

Dat Hy saam met die Vader en Seun vir ewig God is, en dat God Hom onvoorwaardelike gee aan almal wat glo. [Onderstreepte gedeelte is die antwoord vir kinders.]

Teksgedeelte:

Ek sal die Vader vra, en Hy sal vir julle ‘n ander Voorspraak stuur om vir ewig by julle te wees, naamlik die Gees van die waarheid. Die wêreld kan Hom nie ontvang nie, omdat hulle Hom nie sien en Hom nie ken nie. Maar julle ken Hom, omdat Hy by julle bly en in julle sal wees (Johannes 14:16 – 17).

Kommentaar:

Daarom, toe ons Here oor die dissipels geblaas het en gesê het, “Ontvang julle die Heilige Gees,” wou Hy gehad het dat ons moet verstaan dat die Heilige Gees nie net die Gees van die Vader was nie, maar ook van sy enigste Seun. Dieselfde Gees is inderdaad die Gees van die Vader en die Seun. Saam met hulle vorm Hy die Drie-eenheid van Vader, Seun en Gees, nie ‘n skepsel nie, maar die Skepper.

Uit The City of God, vertaal deur Marcus Dods (Digireads, 2009), 329–330.

Verdere Leesstof:

“Be Filled with the Spirit” in A Faith to Live By, deur Donald Macleod.

Gebed:

Ons wil U, hemelse Vader, dank vir al die wonderlike hulpbronne wat U aan ons deur die Heilige Gees gegee het. Ons dank U dat ons wat ons vertroue in Jesus Christus gestel het die voorreg het dat die Heilige Gees in ons woon. Ons bid dat Hy ons so sal vul dat ons Christus kan sien en dat Hy elke dag Christus in ons vorm. Ons vra hierdie dinge vir onsself en vir mekaar vir die heerlikheid van u grote Naam.

Hierdie gebed is deur John Stott (1921 – 2011) ‘n Engelse Anglikaanse prediker geskryf. Hy was vir baie jare die rektor van All Souls Church in Londen. Hy was een van die hoofopstellers van die Lausanne Covenant (1974). Sy bekendste boeke was Why I am a Christian en The Cross of Christ.

Hierdie gebed kom uit sy preek “ The Work of the Spirit” oor Johannes 16:5–15, opgeneem op 18 Augustus 2002.

We encourage you to use and share this material freely—but please don’t charge money for it, change the wording, or remove the copyright information. Ek het slegs die gedeeltes vertaal.

‘n Nuwe Kategismus: Vraag 35

“Faith idles when character shrivels.” –Miroslav Volf

‘n Nuwe Kategismus: Vraag 35

Vraag:

Aangesien ons deur genade alleen en deur geloof alleen verlos word, waar kom hierdie genade vandaan?

Antwoord:

Al die gawes wat ons van Christus ontvang, ontvang ons deur die Heilige Gees – dit sluit geloof in. [Onderstreepte gedeelte is die antwoord vir kinders.]

Skrifgedeelte:

Maar toe het die goedheid van God ons Verlosser en sy liefde vir die mens verskyn. Hy het ons verlos, nie op grond van iets wat ons vir ons vryspraak gedoen het nie, maar op grond van sy ontferming Dit het Hy gedoen deur die wedergeboorte wat die sonde afwas, en deur die Heilige Gees wat nuwe lewe gee. God het die Heilige Gees oorvloedig op ons uitgestort deur Jesus Christus ons Verlosser (Titus 3:4 – 6)

Kommentaar:

Ons moet besef dat die Christelike geloof die maklikste godsdiens in die wêreld is, want dit is die enigste godsdiens waarin God die Vader en Christus en die Heilige Gees alles doen. God is die Skepper: ons het niks met ons bestaan of die bestaan van ander dinge te doen nie. Ons kan ander dinge vorm, maar ons kan nie die feit dat hulle bestaan, verander nie. Ons doen niks vir ons verlossing nie, want Christus het alles gedoen. Ons hoef niks te doen nie. In elke ander godsdiens moet ons iets doen … maar met die Christelike geloof doen ons niks nie. God het alles gedoen: Hy het ons gemaak en Hy het sy Seun gestuur; die Seun sterf en omdat sy Seun ewig is, dra Hy ons totale skuld. Ons hoef nie ons skuld te dra nie, ons hoef ook nie die guns van Christus te verdien nie. Hy doen dit alles. So, in ‘n sekere sin is dit die maklikste godsdiens in die wêreld.

Hierdie kommentaar is deur Francis Schaeffer (1912 – 1984), ‘n Amerikaanse Presbiteriaanse leraar en filosoof, geskryf. Schaeffer is veral bekend vir sy boeke en die vestiging van die L’Abri (Die Skuiling) gemeenskap in Switserland. Hy het 22 boeke geskryf waarvan die bekendste die trilogie The God Who is There, Escape from Reason en He is There and He is not Silent as ook sy A Christian Manifesto is. Hierdie kommentaar kom uit The God Who is There in The Francis A Schaeffer Trilogy: The Three Essential Books in One Volume (Wheaton Crossway, 1990).

Verdere leesstof

“Effectual Calling” in Concise Theology, deur J. I. Packer.
“Full Assurance” in A Faith to Live By, deur Donald Macleod.

Gebed:

Mag God se genade oor ons almal wees en mag Hy deur sy Gees ons oë oopmaak om die heerlikheid van die kruis te sien

Hierdie gebed is deur David Martyn Lloyd-Jones (1899 – 1981) geskryf. Hy was ‘n Walliese geneesheer en Protestantse leraar wat veral vir sy prediking en onderrig by die Westminster Chapel in Londen bekend was. Hy het dertig jaar daar gedien Hy het maande, selfs jare geneem om ‘n hoofstuk in die Bybel uit te lê – vers vir vers. Sy bekendste publikasie is waarskynlik sy kommentaar op Romeine – 14 volumes!

Hierdie gebed kom uit The Cross (Wheaton: Crossway, 1986), 83.

We encourage you to use and share this material freely—but please don’t charge money for it, change the wording, or remove the copyright information. Ek het slegs die gedeeltes vertaal.

‘n Nuwe kategismus: Vraag 34

I hold it to be a fact, that if all persons knew what each said of the other, there would not be four friends in the world. —Blaise Pascal

‘n Nuwe kategismus: Vraag 34

Vraag:

Aangesien ons deur genade alleen deur Christus verlos word, moet ons nog steeds goeie werke doen en God se Woord gehoorsaam?

Antwoord:

Ja, want Christus wat ons deur sy bloed verlos het, hernuwe ook vir ons deur sy Gees; sodat ons lewens liefde en dankbaarheid aan God betoon; sodat ons verseker kan wees van ons geloof deur die vrugte; sodat deur ons goddelike gedrag ander vir Christus gewen kan word. [Onderstreepte gedeelte is antwoord vir kinders.]

Teksgedeelte:

Julle, daarenteen, is ‘n uitverkore volk, ‘n koninklike priesterdom, ‘n nasie wat vir God afgesonder is, die eiendomsvolk van God, die volk wat die verlossingsdade moet verkondig van Hom wat julle uit die duisternis geroep het na sy wonderbare lig. Julle was vroeër geen volk nie, maar nou is julle die volk van God. Julle het toe geen barmhartigheid ontvang nie, maar nou het God aan julle barmhartigheid bewys. Geliefdes, in die wêreld is julle vreemdelinge en bywoners. Daarom dring ek by julle daarop aan om nie aan sinlike begeertes toe te gee nie. Dit verwoes net ‘n mens se lewe. Gedra julle altyd goed onder die heidene, al praat hulle kwaad van julle asof julle misdadigers is, hulle julle voorbeeldige lewe kan sien en God kan verheerlik op die dag van afrekening (1 Petrus 2:9 – 12).

Kommentaar:

Soos die aarde nie vrugte voortbring voordat die nie van bo water gekry het nie; net so, deur die geregtigheid van die wet as ons baie dinge doen, doen ons niks nie, en in ons vervulling van die wet vervul ons niks nie tensy ons eers regverdig gemaak is deur Christus se geregtigheid. Dit het niks met die geregtigheid van die wet te doen nie … hierdie Christelike geregtigheid is hemels, wat ons nie in onsself het nie, maar uit die hemel ontvang; ons werk nie daarvoor nie, maar ontvang dit deur genade en ontvang dit deur geloof … Doen ons dan niks nie? Werk ons dan niks om hierdie vryspraak te ontvang nie? Ek antwoord: Niks nie. Dit is volkome vryspraak: om niks te doen nie, om niks van die wet of werke te weet nie, maar om slegs dit te weet en te glo: Christus het opgevaar na sy Vader en, alhoewel ons Hom nie sien nie, sit Hy aan die regterhand van sy Vader in die hemel as ons Hoëpriester wat vir ons intree, oor en in ons heers, deur genade …

Hy wat van die Christelike vryspraak afdwaal val onder die vryspraak van die wet; as hy Christus verloor het, is sy vertroue op sy eie werke. Maar as Christus se vryspraak in my hart leef, doen ek goeie werke hoe en wanneer die geleentheid daar is. Wie oortuig is dat Christus alleen sy vryspraak is, werk nie alleen blymoedig en vol vreugde nie, maar onderwerp hom aan alle laste en gevare van sy huidige lewe, want hy weet dat dit die wil van God is, en dat my gehoorsaamheid Hom tevrede stel.

Hierdie kommentaar is deur Martin Luther (1483 – 1546) geskryf. Hy was ‘n Protestantse leraar en Professor van Teologie. Hy was die seun van ‘n mynwerker, wat ‘n regsgeleerde sou word, maar uiteindelik word hy ‘n monnik. Op 31 Oktober 1517 spyker hy sy 95 stellings teen die deur van die kerk in Wittenberg vas. Pous Leo X en Keiser Karel V eis dat hy die stellings terugtrek maar hy weier. Hy word uit die kerk geban. Luther het baie geskryf, insluitend klein en groot kategismusse, en preek honderde preke in kerke en by universiteite.

Hierdie kommentaar kom uit sy kommentaar oor Galasiërs.

Verdere leesstof:

“Election” en “Repentance” in Concise Theology, deur J. I. Packer.

Gebed:

Daar is soveel genade in die hart van God vir sy mense, en … Jesus sy Seun het deur sy bloed het die lewe so gemaak dat ons dit kan geniet. Die voordeel daarvan is vir ewig … Daarom is hierdie goedheid geopenbaar: “Laat Israel hoop op die Here; want by die Here is daar barmhartigheid en by Hom is verlossing.” Hoop, wie sal nie hoop om die ewige lewe te geniet nie? As die mense van God maar sou sien waartoe hulle gebore is, en hoe waar die God van waarheid aan sy woord is. Hulle kyk na sy hande en hulle steun onder al die vreugdes wat daar by Hom is. Hy is hulle lewe en deel en hulle heerlikheid vir ewig. Maar ons bely … en verlang nie dat die dag van die Here moet kom nie; ons bely ons geloof, maar met ons hele lewe wys ons vir diegene wat kan sien, hoe min daarvan ons in ons harte het. Die Here lei ons in die mag van dinge en dan sal die deugde van Hom wat ons gered het en ons uit die duisternis na sy wonderlike lig en na sy kennis geroep het aan ander bekend gemaak word. Amen.

“Israel’s Hope Encouraged” uit The Works of that Eminent Servant of Christ Mr. John Bunyan, Volume 3 (Edinburgh: Sands, Murray & Cochran, 1769), 416–417.

We encourage you to use and share this material freely—but please don’t charge money for it, change the wording, or remove the copyright information. Ek het slegs die gedeeltes vertaal.

.‘n Nuwe Kategismus: Vraag 33

“You can choose courage or you can choose comfort, but you can’t choose both.” Brene Brown.

‘n Nuwe Kategismus: Vraag 33

Vraag:

Moet diegene wat geloof in Christus het hulle verlossing deur hulle werke of iewers anders soek

Antwoord:

Nee, hulle moenie, omdat alles wat vir verlossing nodig is in Christus gekry kan word. Om verlossing deur goeie werke te soek, is ‘n ontkenning dat Christus die enigste Verlosser en Vryspraak is. [Onderstreepte gedeelte is die antwoord vir kinders.]

Teksgedeelte:

En tog weet ons dat ‘n mens nie van sonde vrygespreek word deur die wet van Moses te onderhou nie, maar alleen deur in Jesus Christus te glo. Ook ons het tot die geloof in Christus Jesus gekom, en dit is hoe ons vrygespreek is: deur in Christus te glo en nie deur die wet te onderhou nie, want geen mens word vrygespreek op grond daarvan dat hy die wet onderhou nie (Galasiërs 2:16).

Kommentaar:

Ons hou vol dat watter werk ‘n man ook al doen, word hy as regverdig voor God gesien slegs as gevolg van genade; want God, sonder enige respek vir werke, neem hom vrylik in Christus aan deur die geregtigheid van Christus aan hom, asof dit sy eie is, toe te skryf. Dit noem ons die geregtigheid van geloof, dit is wanneer ‘n mens, leeg en gedreineer van alle vertroue op sy werke, oortuig is dat die enigste rede vir aanvaarding deur God ‘n geregtigheid, wat by hom ontbreek, maar wat hy by Christus geleen het, is. Die punt waar mense afdwaal (‘n fout wat ons in feitlik elke tydperk kry) is om te verbeel dat die mens, hoe onvolmaak hy ook al is, tog in ‘n mate die guns van God deur sy werke verkry. God versoen ons met Hom nie deur ons werke nie, maar deur Christus alleen. Deur ons in genade aan te neem maak Hy ons sy eie kinders in plaas van kinders van die toorn. Solank as wat God na ons werke kyk, kry Hy geen rede waarom Hy ons moet liefhê nie. Daarom is dit noodsaaklik dat Hy ons sondes moet begrawe en aan ons die gehoorsaamheid van Christus moet oordra. Dit alleen kan God se ondersoek slaag. Dit is die duidelike en uniforme leer van die Skrif. Dit is die vryspraak deur God waarvan die wet en die profete getuig (Romeine 3:21)

Hierdie kommentaar is deur Johannes Calvyn (1509 – 1564) geskryf. Gebore in Frankryk as kind in ‘n streng Rooms-Katolieke familie was hy ‘n teoloog, administrator en pastor. Vir die grootste deel van sy lewe het hy in Genève gewerk en die Gereformeerde Kerk georganiseer. Hy skryf The Institutes of the Christian Religion, die Geneva Catechism, sowel as baie kommentare op die Skrif.

Hierdie kommentaar kom uit “The Necessity of Reforming the Church” in Theological Treatises, geredigeer en vertaal deur J.K.S. Reid, The Library of Christian Classics(Louisville: WJKP, 1954), 199.

Verdere leeswerk:

“Legalism” en “Works” in Concise Theology, deur J. I. Packer.

Gebed:

Heerlikheid in Christus. Heerlikheid is nie in jou eie geloof, jou eie gevoelens, jou eie gebede, jou eie toewyding nie. Heerlikheid is niks anders as Christus nie. Die meeste van ons weet maar min van hierdie genadige en magtige Verlosser. Ons eer en verheerlik Hom nie genoeg nie. Kom ons bid dat ons meer van die volheid wat daar in Hom is, sal sien.

Hierdie gebed is deur John Charles Ryle (1816 – 1900) geskryf. Hy was die eerste Anglikaanse biskop van Liverpool, Sy aanstelling as biskop was op aanbeveling van die eerste minister, Benjamin Disraeli. Hy was ‘n skrywer en leraar, maar ook ‘n atleet wat vir Oxford Universiteit geroei en krieket gespeel het. Hy was ook verantwoordelik vir die bou van veertig kerke.

Hierdie gebed kom uit Holiness (Lightning Source, 2001), 115.

We encourage you to use and share this material freely—but please don’t charge money for it, change the wording, or remove the copyright information. Ek het slegs die gedeeltes vertaal.