Vlees

Vlees – Francois Malan

Jan Smith vra:

 

Antwoord

Prof. Francois Malan antwoord:

Die Griekse word sarks word in baie betekenisse gebruik:

Liggaam – die fisiese liggaam (vgl. 1 Tim 3:16 NAV vertaal dit met ‘mens’)

Mense – as fisiese wesens (vgl. Joh 1:14)

Menslik – die menslike natuur, met klem op die fisiese aspekte (vgl. Hebr.12:9 NAV aardse)

Menslike natuur – tipiese menslike redenering en begeertes (vgl. Gal.5:19 NASV sondige natuur)

Fisiese natuur van mense (vgl. Gal 4:23 NAV volgens die loop van die natuur)

Lewe – fisiese lewe (vgl. Hebr 5:7 NAV aardse lewe)

In Efesiërs 5 gebruik Paulus die Griekse word sarks, wat in die Ou Afrikaanse Vertaling met ‘vlees’ vertaal is – die Hollandse woord vir die Afrikaanse vleis, omdat die mense nie ‘vleis’ wou sê nie, wat te plat klink.

Ef 5:29 brei uit op die manier waarop ‘n mens jou eie liggaam voed en versorg, wat dan beteken dat dit ook die manier is waarop jy jou vrou of man in liefde behoort te voed en te versorg – soos Christus dit met sy kerk doen, wat sy liggaam is (die beeld wat nog verder uitbrei op 1 Kor 10:17 en 1 Kor 12:12-30 se beeld van die kerk as die liggaam van Christus waarin die lede vir mekaar versorg. In Ef 2:22,23 word Jesus voorgestel as die hoof van die liggaam waaroor Hy met liefde regeer).

Jou vraag verder: ‘Dan sê Paulus ons is lede van Sy liggaam, en vlees van Sy bene’

– die aanhaling uit Genesis 2:23 kom nie in die oudste manuskripte van Efesiërs sedert 200 n.C. voor nie (daarom het die NAV dit uitgelaat), en is eers in die sesde eeu n.C. in die teks ingevoeg (en is in die OAV nog behou). In Gen. 2:23 verwys Adam na die skepping van die vrou uit een van sy ribbebene om die intieme eenheid tussen hom en sy vrou aan te dui.

‘Dan volg hy met: Daarom moet die man sy vader en moeder verlaat en sy vrou aankleef, en hulle twee sal een vlees wees.’

Hier haal Paulus aan uit die skrywer van Genesis se kommentaar in Gen 2:24, om die

‘Hoe bring Paulus die twee goeters bymekaar, asb?’

In Ef.5:32 bring hy dit juis bymekaar met: ‘Hierin (met die twee metafore van die

eenheid die liggame van man en vrou, en die eenheid van al die lede van die geestelike liggaam van Christus) lê daar ‘n diep geheimenis opgesluit, en ek pas dit toe op Christus en die gemeente. Maar dit is ook op julle van toepassing. Elkeen moet sy eie vrou so lief hê soos hy homself liefhet, en ‘n vrou moet aan haar man onderdanig wees.’ So is die intieme liefdesband tussen man en vrou ‘n getuienis voor die wêreld van die intieme verhouding tussen Christus en sy gemeente – Hy wat sy lewe vir ons afgelê het om ons in volle heerlikheid by Hom te kan neem, sonder vlek of rimpel of iets dergeliks, heilig en onberispelik (Ef 5:27).

 

Skrywer: Prof Francois Malan