1

Aktiwiteite vir seniors

 

Whatever sin the heart of man is most prone to, that the devil will help forward. —Thomas Brooks

 

Aktiwiteite vir seniors

In Psalm 92 vergelyk God seniors met vrugbare palmbome en sterk Lebanese seders. Beteken dit nou dat seniors nie meer verantwoordelikhede het nie? Nee, hierdie beskrywing daag seniors juis uit om te lewe soos God hulle hier beskryf.

  • Rentmeesterskap

Aging is not for wimps (J. I. Packer). Dit gaan moeilik en veeleisend wees. Ons moet rentmeesters van ons hulpbronne wees – gedagtes, fisies, finansieel en geestelik.

  • Gedagtes – ons moet voortdurend ons gedagtes en denke uitdaag om hulle lewendig te hou.
  • Finansieel – ons moet deeglike beplanning aan die dag lê.
  • Fisies – versorg jou liggaam; eet gesond en doen oefeninge.
  • Geestelik – versamel genoeg hulpbronne om ons deur die senior jare te dra.

 

  • Dankbaarheid

Psalm 92 begin met ‘n aantal verse van lof en danksegging aan God vir sy goedheid. As ons eers die senior jare bereik, is daar nog meer rede om God te dank vir sy ondersteuning.

 

  • Leer

As ons los van die eise van ons beroep/werk is, kan seniors al daardie boeke lees wat hulle nog altyd wou gelees het, maar nooit die tyd daarvoor gehad het nie. Dit sluit in om meer van die Bybel en veral hoe om te bid, te leer. Seniors moet trots en hardkoppigheid beveg en bereid bly om te leer.

 

  • Lei

Senior jare is wyse jare. Met verloop van jare het seniors baie wysheid en ondervinding bymekaar gemaak. Daar is baie geleenthede om jonger mense te beïnvloed en te mentor.

 

  • Diens

Die wêreld se wysheid is om af te skaal, jouself te geniet en gholf te speel. Hiermee waarborg jy ‘n gevoel van waardeloosheid. Daar moet tyd wees om te ontspan, maar ons het nou meer tyd vir dienswerk. Die belangrikste vraag vir seniors moet wees: “Waar kan ek dien?” Dit is ook die bevredigendste.

 

  • Beplanning

In plaas van soggens wakker word en wonder wat ons gaan doen, moet ons beplan en doelwitte stel.

 

  • Hardloop

Packer sê dat ons beelde van ‘n resies voor ons moet hou. Dink maar aan Paulus se beeld van ‘n resies:

  • Hy stel doelwitte – hy hardloop om te wen.
  • Hy beplan doelgerig – jy dink hoe jy moet hardloop en berei voor.
  • Konsentrasie – jy fokus volledig op jou voorbereiding vir die resies.
  • Groot inspanning – jy hardloop voluit.

 

  • Maak klaar

Ons moet ons senior jare gebruik om vir ons dood voor te berei. Ons berei voor met geloof in Jesus Christus. Ons moet daaroor lees, dink en bid.

 

Hoe moet die jonger geslag seniors hanteer?

  • As individue – elke senior het ‘n eie persoonlikheid en unieke gawes.
  • Respekteer hulle menings – hulle menings berus gewoonlik op wysheid en ondervinding. Luister versigtig as hulle praat.
  • Onthou jy sal ook waarskynlik eendag ‘n senior wees – berei voor deur by seniors raad te vra.
  • Jy mag dalk nie die senior ouderdom bereik nie – berei voor sodat jy gereed is om te gaan en jou Maker te ontmoet.