Die seënuitsprake van Jesus (12)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en Psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

 

Geseënd is die sagmoediges, want hulle sal die nuwe aarde ontvang.

Ons is nog besig met die derde seënuitspraak. Vandag gaan ons na strategieë kyk om sagmoedigheid te kweek. Die uitdaging om beheerde krag te beoefen, is duidelik. Ons moet nou ondersoek hoe ons sagmoediger kan word.

 

1. Temper jou verwagtings van ander

Hy weet waarvan ons gemaak is, Hy hou dit in gedagte dat ons stof is (Psalm 103:14). As God ons broosheid in gedagte hou, moet ons ook die broosheid van ander onthou. Dit sal ons verwagtings van ander temper. Dit sal jou in sagmoedigheid laat groei.

 

2. Vind jou vreugde in bewyse van God se genade

Verder, broers, alles wat waar is, alles wat edel is, alles wat reg is, alles wat rein is, alles wat mooi is, alles wat prysenswaardig is – watter deug of lofwaardige saak daar ook mag wees – daarop moet julle julle gedagtes rig (Filippense 4:8)

Om te dink aan dit wat lofwaardig en prysenswaardig is, help om frustrasie en teleurstelling te oorkom. Christene is soos huise in verskillende stadia van ontwikkeling in sommige sien jy die vorming van ‘n weerspieëling van Jesus Christus. In ander het die werk nog skaars begin. God is nog besig om ‘n fondament te grawe. Verbly jou daarin. ‘n Begin is gemaak en ons kan bly wees in elke stadium van vooruitgang. Vind vreugde in wat God in die lewe van ander doen – al is dit nog maar klein. Nie een van ons is nog wat ons sal wees nie. In Christus sal ons eendag volledig wees.

 

3. Onthou hoeveel jy al vergewe is

Iemand wat hierdie dinge nie sy eie gemaak het nie, is kortsigtig; nog erger hy is blind en het vergeet dat hy van sy vroeëre sondes gereinig is (2 Petrus 1:9). As Petrus ‘n lys maak van dinge wat daarop dui dat jy groei in jou pad saam met jesus Christus praat hy van dinge soos selfbeheersing. volharding en liefde (2 Petrus 1:6 – 7). As jy onthou hoeveel jy vergewe is, sal jy in sagmoedigheid groei. If God should be as angry with me for every provocation as I am with those around me, what should become of me (Matthew Henry). As jy weet dat jy baie vergewe is, sal jy baie liefhê en in sagmoedigheid groei.

 

4. Moenie te gou oordeel nie

Elke mens moet maar te gewillig wees om te luister, nie te gou praat nie en nie te gou kwaad word nie (Jakobus 1:19). Dikwels sê ons iets impulsief net om later daaroor spyt te wees. Spreuke sê vir ons: Iemand wat in ‘n regsaak eerste praat, is altyd onskuldig,  maar dan kom iemand anders en ondervra hom (Spreuke 18:17). Ons hoor dikwels ‘n storie en dink dit is reg net tot ons later die ander kant ook hoor. Little pots soon boil over (Spurgeon). Sommige mense hoor ‘n skinderstorie en kook gou oor van verontwaardiging net om later te hoor die storie is nie waar nie.

 

5. Maak vriende met sagmoedige mense

Moenie maats maak met ‘n opvlieënde mens nie, moenie saamgaan met een wat kort van draad is nie: dalk leer jy sy maniere aan en beland jy in lewensgevaar (Spreuke 22:22 – 23). Jy mag  soms verplig wees om met hulle te werk, maar jy moenie vriende maak met hulle nie. Maak vriende met sagmoedige mense, want hulle sal jou help om in sagmoedigheid te groei.

 

6. Put vreugde uit die blydskap en suksesse van ander

Wees bly saam met dié wat bly is en treur saam met dié wat treur (Romeine 12:15). Dit is dikwels makliker om te treur met mense wat treur as om bly te wees met mense wat bly is. You have made me feel worse than I was before by telling me that there is somebody worse even than I am (Spurgeon). Die sagmoedige man is gelukkig dat daar ander mense is wat bly is. Hulle blydskap is ook sy blydskap. Groei in sagmoedgheid en jy sal die impulse van jaloesie en selfbelang oorwin.

 

7. Onderskei God se hand in die werk van jou vyande

Moet Ek dan nie die lydensbeker  drink wat die Vader My gegee het nie (Johannes 18:11)

Wat het Jesus so sagmoedig in sy lyding gemaak? Hy het nie na Judas of Pilatus gekyk nie, maar na sy Vader. Jesus sien die hand van God selfs in die optrede van sy vyande. Hy sien sy lyding as die beker wat sy Vader vir Hom gegee het.

 

As jy jou lewe sien in wat ander aan jou gedoen het, sal jy teleurgesteld, kwaad, gefrustreerd wees. In Jesus sien ons iets anders ten spyte van alles wat sy vyande Hom aangedoen het. Hy praat met die beheersde krag van sagmoedigheid. En vra sy Vader om sy vyande te vergewe, want hulle weet nie wat hulle doen nie.

 

8. Loop in daaglikse gemeenskap met Jesus Christus

Neem my juk op julle en leer van My, want Ek is sagmoedig en nederig van hart. En julle sal rus kry vir julle gemoed (Matteus 11:29).

Jesus Christus is sagmoedig. Ons leer sagmoedigheid as ons saam met Hom in die juk trek. Niemand word sagmoedig gebore nie. Dit is ‘n deug wat ons moet leer en ons leer dit by Jesus.

 

9. Verwag alles wat God belowe het

Geseënd is die sagmoediges, want hulle sal die nuwe aarde ontvang.(Matteus 5:5). Ontvang is ‘n wonderlike woord. Dit  vertel van ‘n verhouding waarin iets wat aan die een behoort aan jou gegee word. Toe God jou in sy familie aangeneem het, het Hy jou in sy testament geplaas. Nou het ons ‘n lewende hoop op die onverganklike, onbesmette en onverwelklike erfenis wat in die hemel ook vir julle in bewaring gehou word (1 Petrus 1:4). As God die nuwe hemel en nuwe aarde skep, sal Hy dit aan die sagmoediges gee. Jesus haal hier Psalm 37:11 aan: dié wat nou verdruk word, sal die land besit. In Jesus se tyd was die beloofde land onder die Romeine. Jesus roep die mense op tot kalmte, want party wou die juk van Rome met geweld afgooi.

 

Psalm 37 begin so: moet jou nie ontstel oor skelms nie en jou kwel oor skurke nie, want soos gras vergaan hulle gou. Eien jou erfenis vir jouself toe. Alles behoort aan julle, maar julle behoort aan Christus en Christus aan God (1 Korintiërs 3:23). Gryp dit vas en jy kom los van jaloesie, vrees, selfbejammering en haat..

 

10. Vra God om vir jou sagmoedigheid te gee

As een van julle wysheid kortkom, moet hy dit van God bid en Hy sal dit aan hom gee, want God gee aan almal sonder voorbehoud en sonder verwyt (Jakobus 1:5).Later beskryf Jakobus hierdie wysheid: Maar die wysheid wat van Bo kom is allereers sonder bybedoelings, en verder is dit vredeliewend, inskiklik, bedagsaam vol medelye, goeie vrugte, onpartydig, opreg (Jakobus 3:17).

 

As jy God nader en vra dat Hy jou in sagmoedigheid moet laat groei, kan jy verseker weet dat Hy jou sal help

 

Die seënuitsprake van Jesus (11)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseën is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

 

Nou dat ons weet wat sagmoedigheid is, moet ons kyk na sagmoedigheid in die praktyk. Hiervoor gaan ons na vier voorbeelde in die Bybel kyk

 

1. Moses: sagmoedigheid as jy teengestaan word

 Moses was ‘n uiters sagmoedige man, meer as enigiemand anders op die aarde (Numeri12:3). Moses was al oud toe God hom geroep het om die Israeliete uit Egipte te lei. Op daardie stadium was hulle al 400 jaar lank slawe in Egipte. Deur God se genade slaag hy daarin.   Dit was Moses wat sy hand oor die see uitgesteek het, en die water het verdeel sodat die Israeliete kon deurbeweeg. Dit is hy wat die stomp op die water by Mara gegooi het en die bitter water het soet geword. ‘n Mens sou verwag dat sy mense dankbaar sou wees vir alles wat hy vir hulle gedoen het, maar hulle kla en Moses is die fokus van hulle klaery. Die volk verwyt Moses: “Waarom het jy ons uit Egipte laat optrek om ons en ons kinders en ons vee van dors te laat omkom?’ (Eksodus 17:4). Hulle het dit selfs oorweg om vir Moses dood te maak. In plaas daarvan dat hy sy mense slegsê, reageer hy met sagmoedigheid. Hy bid vir hulle en dien helle. Op een stadium sê hy selfs vir die Here dat hy gewillig was om sy lewe vir hulle af te lê (Eksodus 32;32). Hierdie is sagmoedigheid en nie swakheid nie. Hierdie is krag onder beheer gevorm in Moses deur volledige onderwerping aan God.

 

2. Dawid: Sagmoedigheid as jy uitgelok word

Dawid moet die optrede van Simeï verduur. Hy was lid van die huis van Saul en het niks goeds oor Dawid te sê gehad nie. Dawid is deur God as koning gesalf en Saul was lank reeds dood. Hy het sover as wat hulle geloop het vir Dawid gevloek en onder die klippe gestaak. Abisai, een van Dawid se manne vra vir Dawid: Waarom vloek hierdie lae hond die koning?  Laat ek sy kop vir hom gaan afkap (2 Samuel16;9). Wat sou jy gesê het as jy in Dawid  se skone gestaan het? Daarom moet julle hierdie Benjaminiet met rus laat dat hy maar vloek, want die Here het hom die opdrag gegee. Miskien let die Here op my ellende en beloon Hy my met iets goeds vir vandag se vervloeking  (Eksodus 16:11 – 12).

 

Dawid het al die mag van sy lojale manskappe tot sy beskikking gehad. Met ‘n enkele opdrag kon hy Simeï se optrede beëindig het. Maar hy bewys sagmoedigheid ten spyte daarvan dat hy erg uitgelok word. Thomas Watson sê van God: God puts up with us when we dishonor Him. Even when he is provoked, He restrains the judgement that would crush us, that is meekness: controlled strength.

 

3. Paulus: Sagmoedigheid as jy teleurgesteld is.

Paulus het geswoeg en oral kerke geplant. In die proses het hy baie swaar gekry. Soos almal van ons het hy die gebede, hulp en aanmoediging van ander gelowiges nodig gehad. Hy vra dan ook dikwels vir hulle gebede in sy briewe. Soms was hy ryklik geseën deur die gebede van sy broers en susters in Christus. Soms het hulle hom teleurgestel. Een so ‘n geleeentheid was toe hy gearresteer is. Toe sy saak begin was daar niemand om hom te ondersteun nie. Toe ek my die eerste keer voor die hof moes verdedig, het niemand my bygestaan nie. Almal het my in die steek gelaat (2 Timoteus 4:16). Na alles wat hy gedoen het, was dit redelik om te verwag dat iemand in die hofsaal sou wees om hom te ondersteun. Hy kyk rond vir ‘n vriendelike gesig en sien nie een nie.

 

Teleurstelling lei dikwels tot bitterheid wat in jou soos ‘n kanker kan groei. In plas van bitterheid gee Paulus hier vir ons ‘n goeie voorbeeld van sagmoedigheid. . Toe ek my die eerste keer voor die hof moes verdedig, het niemand my bygestaan nie. Almal het my in die steek gelaat. Mag God hulle dit nie toereken nie! iets verkeerd is gedoen, en die een aan wie dit gedoen is soek die goeie van diegene war hom teleurgestel het. Dit is sagmoedigheid. (2 Timoteus 4:16).

 

4. Jesus: sagmoedig as jy ly

Dié voorbeeld van beheerste krag is ons Here Jesus Christus: toe Hy beledig is, het Hy nie terug beledig nie, toe Hy gely het, het Hy nie terug gedreig nie, maar alles oorgelaat aan Hom wat regverdig oordeel (1 Petrus 2:23).

 

Dink aan die soldate wat Hom gespot het, die manne wat Hom aan die kruis vasgespyker het, die diewe wat Hom beledig het en die skare wat vir Hom gelag het terwyl Hy gely het. Hy kon met oordeel gedreig het. Inteendeel, ons Here sê: Vader, vergeef hulle, want hulle weet nie wat hulle doen nie (Lukas 23:34). Hoe doen Hy dit? Petrus sê Hy het self ons sondes in sy liggaam aan die kruis gedra (1 Petrus 2:24). Sagmoedigheid sluit in die dra van ander se sondes. Dit is die enigste hoop wat ons het om die oneindige siklus van vergelding te breek.

 

Ons leef in ‘n land van hofsake. Dit is ook besig om die kerk te infiltreer. Ons moet weer die sagmoedigheid waarvan Jesus gepraat het, ontdek.

 

Die bron van sagmoedigheid

Jy kan nie begin deur te besluit om sagmoedig te wees nie. Daar is ‘n orde en vooruitgang in die seënuitsprake. Jy kan hierdie derde seënuitspraak bereik net deur die eerste twee seënuitsprake. Jy begin as jy besef dat jy nie het wat nodig is nie. Jy kom na God met leë hande. As jy dit sien, is die tweede ring van geestelik te treur binne jou bereik. Sagmoedigheid spruit voor uit geestelike armoede en geestelike treur. As jy jou eie sondes sien, sal dit jou sagmoediger maak teenoor die sondes en foute van ander.

 

Die seënuitsprake van Jesus (10)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseën is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

 

Vandag kyk ons na die derde seënuitspraak van Jesus: Geseënd is die sagmoediges, want hulle sal die nuwe aarde ontvang.

Waaraan dink jy as jy hoor iemand is sagmoedig: praat hy saggies of het hy ‘n pap handdruk of het hy nie veel ruggraat nie? Wat is die sagmoedigheid wat Jesus hier aanbeveel? Hoekom is sagmoedigheid nodig om te vorder op die pad van die Christelike lewe?

 

In Latyn is ‘n ‘meek man” ‘n mansuetus genoem. Dit is ‘n samestelling van twee woorde. (manu = hand en assuetus = gewoond aan). ‘n Perd wat nog nie ingebreek is nie, is nie gewoond aan die hand nie. As die perd gewoond aan die hand is, word sy wilde passies onderdruk; sy krag word onder beheer gebring en die dier ondervind vrede. Die Bybel vergelyk ons gevalle menslike natuur met dié van wilde diere . God sê sy eie mense was soos ‘n wilde donkie en ‘n rustelose kameelkoei (Jeremia 2:23 – 24). Dit sê vir ons dat ons van nature wilde diere is. Ons het krag, maar dit is nie beheer nie. Ons energie word onproduktief gebruik. As ons bruikbaar vir God wil wees, moet ons “gewoond aan die hand” word. Ons wilde passie moet onderdruk word, jou krag moet reg gebruik word en jy sal vrede ondervind. Sagmoedigheid is beheerde krag. Dit beheer die humeur, onderwerp die self en kalmeer die passie en bestuur die impulse van die hart. Dit bring orde na die chaos van ons harte.

Die sagmoedige persoon word gekenmerk deure nederigheid, geduld, vergewensgesindheid, en is tevrede. Sagmoedigheid is die manier waarop God ons verlos van hoogmoed, aggressie, wraak. Jesus roep ons na iets wonderlik hier. Dink net wat beheerde krag in jou lewe kan doen om meer sagmoedig te word. Dit sal jou impulsiwiteit beheer en jy sal beheer oor jou kwaadword  hê. Dit sal beïnvloed hoe jy praat en jy sal tevrede wees. Jy sal vrede ondervind as jy gewoond word aan die hand van God. Belangriker is dat jy vir God bruikbaar sal word.

 

Sagmoedigheid is die gevolg van onderwerping

Sagmoedigheid is krag wat deur onderwerping onder beheer gebring word. Dit is eers as die wilde perd hom aan die stang en toom onderwerp dat hy ‘n wedren kan wen. Jy wen net as jou krag onder beheer gebring word. Hoe lyk dit as jy jou aan God onderwerp?

 

1. Jy onderwerp jou aan God se woord.

Daarom moet julle ootmoedig die woord aanneem wat God in julle geplant het, want die woord kan julle red (Jakobus 1:21) Om God se woord met sagmoedigheid te ontvang, beteken dat jy jou onder gesag van die woord plaas. Jy laat toe dat God vorm wat jy glo en rig wat jy doen. ‘n Gemeente waar die Bybel waardeer word en duidelik onderrig word, is ‘n wonderlike plek om te wees. Deur die woord word ons lewens gevoed en groei ons. Baie mense wil die reg voorbehou om die woord te hoor, maar dan self te besluit wat hulle wil glo.

2. Jy onderwerp jou aan God se wil

Soms plaas God jou op ‘n plek wat jy self nooit sou gekies het nie. Dink aan Getsemane waar Jesus bid: My Vader, as dit moontlik is, laat hierdie lydensbeker by My verbygaan. Moet nogtans nie doen soos Ek wil nie, maar soos U wil (Matteus 26:39). Dit is sagmoedigheid. Dit het gelei tot die kruis dit is waarna Jesus ons oproep as Hy sê: Geseënd is die sagmoediges, want hulle sal die nuwe aarde ontvang.

3. Onderwerp aan God se mense

Wees uit eerbied vir Christus aan mekaar onderdanig (Efesiërs 5:21). Onderwerping aan God se mense is nog moeiliker as onderwerping aan God se woord en wil. Hierdie onderwerping aan God se mense is ‘n teken van mense gevul met die Heilige Gees. In ons Westerse kultuur beweeg onafhanklike, outonome selfgerigte mense van die een kerk na die ander. Hulle onderwerp hulle aan niemand nie. Hoe kan jy jou onderwerp as jy nie lidmaat van ‘n gemeente is nie. Sagmoedigheid groei deur die dissipline van toegewyde verhoudings.

Ons moet ‘n onderskeid tref tussen onderwerping aan God en ons onderwerping aan sy mense. Ons onderwerp ons altyd aan God – nooit andersom nie. Onderwerping aan God se mense beweeg in twee rigtings – soms gee ons en soms ontvang ons. Daar is geen perke of grense aan ons onderwerping aan God se woord en sy wil nie., maar daar is perke aan ons onderwerping aan God se mense. ‘n Mens moet eerder aan God gehoorsaam wees as aan mense (Handelinge 5:29). Ek moet luister na wat ander sê en daaroor nadink, veral as ek glo dat ek reg is en dat hulle verkeerd is.

Volgende keer gaan ons na voorbeelde van sagmoedigheid in bekende Bybelfigure kyk.

Die seënuitsprake van Jesus (9)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseën is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

 

Vandag kyk ons na die elemente van geestelike treur. Geestelike treur is ‘n treur wat jy in jou hart voel oor sekere sondes as gevolg van nederigheid deurdring met hoop wat daartoe lei dat jy van daardie sondes afsien. In hierdie definisie is daar ses elemente wat wys na die karakter, fokus, motief en uitkoms van geestelike treur. Saam beskryf hulle die proses van hoe jy die sirkel van dieselfde sonde te herhaal kan breek en groei in jou Christelike lewe,

 

1. Geestelik treur noem spesifieke sondes

Geestelike treur het altyd ‘n duidelike fokus. Dit verskil radikaal van ‘n algemene gevoel van onwaardigheid of mislukking. Hoe kan jy ‘n algemene gevoel van onwaardigheid en mislukking hanteer? Om oor sonde in die algemeen te treur laat jou nie vorentoe beweeg nie. Geestelike treur hou verband met spesifieke sondes. Die eerste stap is om een of twee sondes by naam te noem – sonder verskoning. Soek na spesifieke sondes wat in die donker hoeke van jou siel wegkruip.

 

Geestelike treur begin as jy jou sondes raaksien. Maar ons sien maar sleg. Ons instink is om alles wat ons doen te regverdig. Ons sien nie onsself soos ander ons sien nie. Wat nog te sê soos God ons sien. Daarom het ons ‘n flits nodig om in die dieptes van ons siel te sien. God skyn daardie lig deur sy woord, sy Gees en sy mense. Geestelike treur begin met God se woord oop voor ons Wanneer u woord vir mense oopgaan, bring dit lig; dit gee insig aan dié wat nog onervare is (Psalm 119:130).  God gebruik dit wat jy in die Bybel lees om jou oë te open.  Leer om spesifieke sondes raak te sien as jy jou Bybel lees. Jy begin sien wat God sien. Die Bybel leer jou watter sondes om voor te kyk en die Heilige Gees sal vir jou wys waar hulle gevind kan word. Ander Christene kan jou ook help. Eerlike verhoudings met ander Christene is ‘n gawe van God. Bely julle sondes eerlik teenoor mekaar en bid vir mekaar (Jakobus 5:16). Vra iemand wat eerlik met jou oor jou lewe kan praat en luister na hom/haar.

 

2. Geestelike treur behels treur wat jy in jou hart voel

Hier fokus ons op die verskil tussen ‘n sonde erken en om waarlik in die hart berou te hê. Na ‘n oorwinning in ‘n geveg het koning Saul ‘n direkte opdrag van God geïgnoreer deur van die buit vir homself en sy manskappe te neem. Die koning het gejok, mislei en gesteel en toe jok hy nog om sy oortreding te probeer verberg. Toe sê hy vir Samuel: “Ek het gesondig,’ sê Saul toe. Éer my tog net voor die leiers van die volk en voor Israel deur saam met my te kom sodat ek die Here u God kan aanbid.(15:30). Saul het erken dat hy verkeerd was, maar nie uit sy hart uit nie. Treur uit die hart uit oor ‘n spesifieke sonde groei as jy sien wat dit kos vir jou, vir ander, vir Christus.

 

Die koste vir jouself: Dink aan die heilige lewe waartoe God jou geroep het en dat sonde jou bruikbaarheid vir God beperk het. Dit hou jou op ‘n afstand van God. Deur spesifieke sondes te noem, fokus jou aandag op wat in jou lewe moet verander.

 

3. Geestelike treur se bron is nederigheid.

Dit is moeilik om te treur oor ‘n sonde wat jy geniet het. Jy moet eers arm van gees word. As hy eers die eerste ring baasgeraak het, het hy momentum vir hierdie tweede ring. As jy hierdie vooruitgang in die seënuitsspake sien, sal jy weet wat om te doen as dit voel asof jy vasgehaak het.

 

4. Geestelike treur is deurdring met hoop

As jy jou sondes sien vir wat hulle is en wat hulle kos, besef jy dat jy in ‘n gevaarlike plek vir jou siel is. Wanhoop is nou maklik. Onthou as God sy lig op jou sondes skyn, is die doel daarvan om jou na Jesus te lei. Hy is die vriend van sondaars en in Hom sal jy hoop vind. Die oorsprong van hoop is geloof in Christus en dit wat Hy alles aan die kruis vermag het. Judas wat Jesus verraai het, het spyt gekry oor wat hy gedoen het, hy gooi die geld wat hy gekry het terug in die tempel, hy het weggeloop en hom gaan hang (Matteus 27:5). Judas kyk na sy optrede met spyt, maar hy kyk nie na Jesus Christus vir vergifnis nie. Sy treur lei na wanhoop. Die Heilige Gees lei nooit ‘n mens na wanhoop nie. As bedroefdes, en tog is ons altyd opgeruimd (2 Korintiërs 6:10). Ons vind dat ons dikwels sê: Ek ellendige mens (Romeine7:24), maar as ons na Christus kyk, kan ons ook sê: Aan God die dank (Romeine 7:25). Hy doen dit alles deur Jesus Christus ons Here (Romeine 7:25). As jy geestelik treur, hou jou een oog gefikseer op jou sonde en die ander oog op die kruis. For every look at yourself, take ten looks at Christ (Robert Murray M’Cheyne).

 

5. Geestelike treur gebeur by die kruis

Hoe kan jy ‘n proses begin waar jy haat wat jy vantevore liefgehad het. Jy begin deur spesifieke sondes te identifiseer en gaan verder deur die koste te bereken  wat deur , ander mense en deur die Here betaal word. Die proses kry momentum as jy met leë hande voor God staan. Al hierdie dinge lei na die kruis. Dit is die plek waar ons geestelik treur. Om ons sondes te bevestig en te bely lei jou na geestelike treur, maar jy weet dat die liefde van Christus jou verder sal neem. Kyk na die kruis en sien wat jou sonde aan Jesus gedoen het, maar belangriker, sien wat Jesus vir jou gedoen het aan die kruis en jy sien hoe baie Jesus jou liefgehad het. Dit versterk jou in jou stryd teen sonde meer as enigiets anders. Learn this lesson, not to trust Christ because you repent, but trust Christ to make you repent (C. H. Spurgeon).

 

Alles wat tot dusver gesê is, word by die kruis gedoen.

 

6. Geestelike treur sal maak dat jy jou sondes versaak

God has not promised to forgive one sin that you are not willing to forsake ( Alan Redpath). As ‘n sonde ‘n gewoonte geword het-selfs ‘n verslawing – sal om geestelik te treur die oplossing wees om die verslawing te breek.

 

Volgende keer hanteer ons die volgende seënuitspraak van Jesus.