Die Groot Geloofswoordeboek: Pelagius/ Pelagianisme

Die Groot Geloofswoordeboek: Pelagius/ Pelagianisme

Pelagius • Pelagianisme

Pelagius is teen die helfte van die vierde eeu in Brittanje gebore. Hy was eintlik ‘n regsgeleerde, maar het nie sy beroep beoefen nie. Hy was ‘n baie ernstige Christen wat mense dringend tot be­kering opgeroep het. Hy het nie die kerklike leer oor die *erf­sonde aanvaar nie, maar geglo dat mense vandag nog net soos Adam gebore word, en nie onder die sonde van Adam ly nie. Al probleem is dat Adam vir sy nageslag ‘n slegte voorbeeld gestel het, en ons dit nog altyd vir ons kinders doen. Maar mense het ‘n vrye wil en hulle besluit self of en wanneer hulle sonde doen. Dit beteken ook dat dit nie nodig is om sonde te doen nie.

*Augustinus het teenoor Pelagius standpunt ingeneem en baie meer erns gemaak met die mag van die sonde waarvan ons baie by Paulus leer. Hy het ook aanvaar dat ons deur Adam se son­de onder die oordeel van God gekom het. Die kerk het uit­eind­e­lik die leer van Pelagius verwerp.

 

Skrywer: Prof Adrio König