Die Heilige Gees – Jan van der Watt

Michelle vra:

Wanneer onttrek die Heilige Gees van die aarde af? En die oomblik wat Hy onttrek, sal die Geesvervulde mense dan nie meer Geesgevul wees nie?

Antwoord

Prof Jan van der Watt antwoord: 

 Die Nuwe Testament sê nie dat die Heilige Gees gelowiges sal verlaat nie. Ons is tempels van God in wie die Gees woon (1 Kor 3 en 6) en as Jesus teruggaan na sy Vader toe, is dit die Gees wat in gelowiges sal bly en hulle in die Gees. Die Gees sal hulle in die wêreld bystaan om getuies van Jesus te bly (Joh 14-16). Romeine 8 gaan ook oor die Gees in die lewe van die gelowige en vanaf vers 18 word die einde van die tyd, waarna uitgesien word, beskryf. Die Gees bly intussen by gelowiges en pleit selfs vir hulle by God. Gelowiges hoef dus nie bang te wees dat die Gees hulle ooit sal verlaat nie.

Skrywer:  Prof Jan van der Watt