Verlossing as die identiteit van God

Jesus’ signs and wonders were his calling card, one of the proofs that the kingdom of God had come – John Wimber

Verlossing as die identiteit van God

Die verlossing kom van ons God wat op die troon sit en van die Lam (Openbaring 7:10).

Ons het gesê dat God die Eienaar van verlossing is – die verlossing behoort aan Hom. Hier is ‘n belangrike woord in hierdie vers wat ons nie moet miskyk nie: ons. Wat sê dit vir ons?

  • Dit kom van ‘n spesifieke God en van niemand anders nie.

Wie is hierdie God? Dit is die God wat in die Bybel geopenbaar word: Yahweh, die God van die Ou Testament, en in die Nuwe Testament aan God die Vader van Jesus Christus. Verlossing is die eiendom van hierdie besondere God. Wat hierdie God van al die ander gode onderskei, is juis sy vermoë om te verlos.

Petrus en Johannes staan voor die Joodse Raad (Handelinge 4). Hulle het pas ‘n verlamde man genees. Wat die hoëpriester en sy trawante wou weet is: Deur watter krag en in wie se naam het julle dit gedoen? Hier was ‘n spesifieke gebeurtenis wat voor baie getuies gebeur het. Petrus antwoord: Julle almal en die hele volk Israel moet weet dat dit in die Naam van Jesus Christus van Nasaret is dat hy hier gesond voor julle staan – dié Jesus vir wie julle gekruisig het, maar wat God uit die dood opgewek het. Op hierdie fondament, maak Petrus die volgende aanspraak: Hy bring die verlossing en niemand anders nie. Daar is geen ander naam op die aarde aan die mense gegee waardeur God wil dat ons verlos moet word nie.

Daarom beklemtoon die Bybel dit dat ons God moet ken. En dit is die ewige lewe (volgens Johannes dieselfde as verlossing): dat hulle U ken, die enigste ware God, en Jesus Christus, wat deur U gestuur is (Johannes 17:3).

  • God is verlossing.

Die Bybel sê dat verlossing die identiteit van God definieer. In Deuteronomium 32:15 word God as die Rots wat hom gered het, beskryf. So lees ons dat die bejaarde Simeon die baba Jesus in sy arms neem en God prys: Omdat my oë u verlossing gesien het (Lukas 2:30). Die God wat in die Ou Testament as Yahweh en in die Nuwe Testament as Jesus van Nasaret geopenbaar word, is die God wat verlos. Dit is ‘n teken van sy uniekheid – die beslissende teken van sy identiteit.

  • Ander gode kan nie verlos nie.

Die teken wat vals gode van die ware God onderskei is die vermoë om mense te verlos. Afgode kan nie doen wat hulle belowe nie.

God is die enigste God wat kan verlos – dit is deel van sy identiteit



Ek is seker ek is verlos

Is your church like a football game: a few people in desperate need of rest watched by a crowd in desperate need of exercise? — Adrian Warnock

Ek is seker ek is verlos

Godsdiens is die mens se pogings om by God en die hemel uit te kom. Die Christelike geloof is God  wat afkom na die mens om hom te verlos deur in ‘n verhouding met die mens te leef. Daar is een uitstaande kenmerk van  mense wat in Jesus Christus glo: Hulle gee aan Jesus al die krediet vir hulle verlossing en ewige lewe. Hulle wys na die kruis; hulle wys na God se genade en nie na hulle eie pogings nie.

 

Hierdie brief skrywe ek vir julle, sodat julle kan weet dat julle die ewige lewe het, julle wat in die Seun van God glo (1 Johannes 5:13). Die eerste stap is om jou sonde te erken; daarna moet jy berou hê daaroor en die goeie nuus aanvaar en glo. Daar  is mense wat onseker is. Beteken dit dat hulle nie werklik vir Jesus Christus ken nie? Nie noodwendig nie – hulle geniet nog nie die absolute versekring van hulle verlossing nie. Faith is the root. Assurance is the flower (D. L. Moody). Sonder die wortel is daar  geen verhouding met Christus nie. Maar nie alle Christene het die blom van versekering nie.

Hoe kry ek absolute sekerheid? Deur die onweerlegbare feite  van Jesus Christus se dood en opstanding te aanvaar – dat Hy jou verlossing aan die kruis gekoop het en dat Hy dit in sy Woord aan jou belowe het.

Die Christelike geloof is meer as net glo – dit beteken ek lewe nou vir Christus. Ons dade red ons nie, maar is die vrugte van ons geloof en bewys dat ons Christus ken.



Drie sienings van verlossing

. –C.H. Spurgeon

Drie sienings van verlossing

J. I. Packer vertel van die man wat nie kan swem nie en in ‘n rivier val. Die boomwortels vang hom vas en hy kan nie loskom nie. Sy toestand is desperaat – sy asem word min.  Drie mense kom op die rivierwal aangestap. Die eerste een kyk na hom en sê: “Moenie bekommerd wees nie. As hy genoeg spartel sal hy loskom. Hulle doen dit altyd. Eintlik is dit goed vir hulle karakter dat hulle so moet stoei. Ek los hom net so.”

Die tweede een kyk na die spartelende man en sê: “Ek wil jou graag help. Ek weet wat jy nodig het. Jy moet leer om beter te swem.’ Hy gee die spartelende man goeie raad, maar gaan nie verder nie. Die derde man sien die spartelende man se probleme. Hy spring in die rivier en bring hom veilig op die wal uit, pas kunsmatige asemhaling toe. Wie van hierdie drie mans illustreer vir ons wat God doen om ons te red.

Hierdie drie sienings het teologiese name:

  • Pelagianisme. Die enigste boodskap is selfhelp – ‘n harde ongevoelige vorm van die Christelike geloof.
  • Arminianisme. God vertel ons hoe ons gered kan word, maar stop net daar. Hy is nie meer betrokke nie.
  • Calvinisme. God neem die inisiatief; Hy kom af tot waar ons is.; Hy word deel van ons probleme; Hy doen alles wat gedoen moet word. Hy breek die sondebande wat ons verstrengel; Hy bring ons na God toe; Hy herstel lewe; Hy maak ons gelowiges. Dit doen Hy alles deur sy soewereine genade wat ons absoluut red.

Ek glo nie ons moet ons blind staar teen die name nie. Wat wel leersaam is, is dat daar verskillense soorte Christene is wat inpas in Packer se drie karegorieë. Dir vraag: Watter soort Christen is ek?

Uit:  “To All Who Will Come,” in Serving the People of God: The Collected Shorter Writings of J. I. Packer, Volume 2 (Paternoster Press), 200-01.



Verlossing = God se genade

“Christianity is not about building an absolutely secure little niche in the world where you can live with your perfect little wife and your perfect little children in your beautiful little house where you have no gays or minority groups anywhere near you. Christianity is about learning to love like Jesus loved and Jesus loved the poor and Jesus loved the broken.” ~Rich Mullins

Verlossing = God se genade

 

Dit beteken dat ek glo dat Hy die Here is. Maar wat beteken die woord Here? Dit beteken meester, eienaar en verwys na ‘n persoon in ‘n gesagsposisie. Of besef julle nie dat julle liggaam ‘n tempel van die Heilige Gees is nie? Julle het die Heilige Gees, wat in julle woon, van God ontvang, en julle behoort nie aan julleself nie. Julle is gekoop, en die prys is betaal. Julle moet God dus in julle liggaam verheerlik (1 Korintiërs 6:19 – 20.

Dieselfde Here wat ons in sy genade van die sonde en dood verlos het, is nou ons Eienaar – ons behoort aan Hom en ons moet in gehoorsaamheid aan sy heerskappy leef. Hierdie oproep van Jesus om Hom te volg en sy dissipel te word, is oop vir almal.  As Hy die Here is, skryf Hy die agenda van ons lewe – ons lewens behoort nou aan Hom. Hy beplan ons agenda en ons roeping. Jy vertel nie vir Hom wat jy bereid is om te doen nie. Hy is die Here, die Eienaar en Meester van sy kinders.

Maar wat beteken dit om Jesus Christus te volg? Dit kom neer op die uitleef van twee gebooie ; Liefde vir God en liefde vir die naaste (Matteus 22:37 – 40). Hom het julle lief al het julle Hom nie gesien nie (1 Petrus 1:8). Dit gaan nie oor die nakom van ‘n stel reëls nie. Nee, ons moet God liefhê en Hom geniet. Maar, en dit is ‘n groot maar: As iemand sê: “Ek het God lief,” en hy haat sy broer, is hy ‘n leuenaar, want wie sy broer, wat hy kan sien, nie liefhet nie, kan onmoontlik vir God liefhê, wat hy nie kan sien nie (1 Johannes 4:20). Ware liefde gaan altyd met opoffering gepaard: Hieraan weet ons wat liefde is: Jesus het sy lewe vir ons afgelê. Ons behoort ook ons lewens vir ons broers af te lê (1 Johannes 3:16).

Ons kan nie ons liefde vir God van ons gehoorsaamheid aan Jesus Christus skei nie. God se liefde verander my van binne en daarom herdefinieer dit alle aspekte van my lewe. Vraag: Is God se liefde sigbaar in my optrede?