Waar kry ons die krag om voluit vir Jesus te gaan?

image_pdfimage_print

Alas, it is true that with none of my great and numerous shortcomings have I wrestled harder than with such impatience.  Yes, I am making some progress but I have never reached the point yet of keeping this wild beast completely under control. — Johannes Calvyn

 

Waar kry ons die krag om voluit vir Jesus te gaan?

Groot risiko’s lei dikwels tot groot belonings. Soms is om groot te waag die enigste regte ding om te doen. Die enigste manier om Jesus te volg, is met totale en volledige oorgawe. Maar om groot te waag, vereis baie vertroue. Waar kry ons die krag om voluit vir Jesus te gaan? J. D. Greear gee ‘n rede:

 

Vertroue om vir God te waag kom net as ons God se toewyding verstaan

‘n Duidelike beeld hiervan kry ons in Genesis 15. Moenie bang wees nie Abram, Ek beskerm jou! Jou beloning sal baie groot wees. Na God se versekering in 15:6 sê Abram vir God dat hy nog onseker is. Abram, ‘n man wat vir sy geloof geprys word, twyfel. Dit gee moed vir ons. God antwoord Abraham se twyfel deur ‘n interessante toneel. Bring vir My ‘n vers, ‘n bok en ‘n skaapram, almal drie jaar oud, en ‘n tortelduif en ‘n jong duif. Abram sny alles middeldeur en plaas die helftes teenoor mekaar. Dit was die antieke manier om ‘n kontrak te teken – veral omdat min mense geletterd was. Sononder het ‘n diep slaap vir Abram oorval: Angs, ‘n groot donkerte het hom oorweldig. Maar God in die vorm van vuur, in plaas van Abram, gaan tussen die stukke deur.

 

In daardie dae as ‘n koning ‘n verbond met ‘n dienaar gesluit het, het die dienaar alleen tussen die stukke deurgestap. Selde het die koning ook deurgestap. Hierdie is die enigste geval waarvan ons weet waar die Koning alleen deurgegaan het. Die betekenis is duidelik: as God nie sy deel van die verbond nakom nie, sal Hy in bloed betaal. As Abram nie sy deel van die verbond nakom nie, sal God ook in bloed betaal. God is aan beide kante van die verbond. Daar kry Abram die vertroue om voluit saam met God te gaan: Vertroue om vir God te waag, kom net as ons God se toewyding verstaan.

 

Moed is nie ‘n deug nie, maar ‘n visie. As ons sien wat God vir ons gedoen het, kry ons ‘n nuwe perspektief. As ons misluk, kan ons in die arms van ons Verlosser rus, wat bewys het dat Hy nooit moed opgee oor ons nie. Golgota wys dat God meer toegewy is aan ons as wat ons ooit kan dink. Vir so ‘n God kan jy met vrymoedigheid waag.

 

 

 

image_pdfimage_print