Wat is die kerk? Inleiding

Thus a Christian, being consecrated by his faith, does good works; but he is not by these works made a more sacred person, or more a Christian – Martin Luther

 Ek gaan baie gebruik maak van Andy Stanley se boek: Deep and Wide: Creating Churches Unchurched People Love to Attend (2012).

Dit is interessant dat baie kerkmense nie weet wat die kerk is of waarom dit bestaan nie. Vra vir die gemiddelde lidmaat waaraan hy dink as hy die woord kerk hoor.

  • ‘n Gebou.
  • ‘n Gebeurtenis oor die naweek.
  • Die langste uur van die week.
  • ‘n Instelling vir mense met ooraktiewe gewetes
  • Ens.

Maar toe die kerk begin het, was dit ‘n beweging met ‘n gefokusde boodskap en ‘n globale sending. Maar die gelowiges het nie in ‘n abstrakte filosofie geglo nie – hulle was ooggetuies van ‘n gebeurtenis … die opstanding van Jesus Christus.

Die groei van die vroeë kerk kan nie verduidelik word nie, maar kan nie ontken word nie.

  • Die groei van die vroeë kerk kan nie verduidelik word nie. Daar is geen verduideliking waarom die kerk die eerste eeu oorleef het nie. Die Leier is gekruisig; die volgelinge is vervolg, gemartel en doodgemaak. En tog groei die kerk.
  • Die groei van die kerk kan nie ontken word nie. Jesus Christus leer sy dissipels vir drie jaar en 20 eeue later word Hy op elke vasteland aanbid. Vandag sê ‘n derde van die wêreld se bevolking dat hulle in Jesus Christus  glo.

Met hierdie as agtergrond is daar nou twee belangrike vrae waaraan ons aandag moet gee:

  • Wat is die kerk?
  • Vir wie is die kerk?

Daarna kyk ons volgende.