Ek het die Artikel gelees van Prof Hermie van Zyl rakende egbreuk.
Na aanleiding daarvan is ek nou baie benoud en onseker en ek hoop iemand kan vir my meer breedvoerige antwoorde gee.

My hele lewe het ek altyd my bes probeer om die reguit pad te stap en eerlik was dit altyd ook die lekkerste en veiligste pad vir my en natuurlik ook hoe ek groot geword het. My getroude lewe met my vorige eggenoot was stil, kuis en kalm. Ons het die Here saam gedien en het ‘n pragtige dogterjie in die lewe gebring.

Iewers het ek die pad byster geraak sonder dat ek besef het wat met my aangaan.
Ek het my man met ‘n ander man verneuk, hy het dit uitgevind en natuurlik van my geskei.

maande daarna het ons die Here en my ex man vergifnis gevra.

Ek het toe na die egskeiding met die man getrou waarmee ek eg gebreek het want ek het gevoel dit is die regte ding om te doen,so- ook vir my dogter.
Ek dien wel die Here maar ek begin wonder na aanleiding van die artikel of ek oppad hel toe is en myself bedrieg.

Is ek nogsteeds besig met egbreuk omdat ek met hom getroud is? God se genade is groot ja maar moes ek vergifnis gevra het en dan ongetroud gebly het of is ek (ons) wel vergewe en sal ons as ons die pad reguit bly loop die ewige lewe beerwe?

Ek weet niemand kan oordeel en se ja of nee nie, maar gee my net duidelikheid asb.

Dr Johann Voges Antwoord

Ek hoor jou selfverwyt en skuldgevoel oor die artikel wat jy van Hermie van Zyl gelees het oor “egbreuk”. Ongelukkig is dit ons almal se swaarkry, nie die vergiffenis en liefde wat ek by die liewe Here gekry het oor wat ek verkeerd gedoen of gesê het nie, maar hoe om daarna myself te kan liefhê en te kan vergewe as een wat vergewe is en dan myself kans te gee om gesond te raak van die letsels of skade wat my verkeerde keuses veroorsaak het waarvoor ek vergifnis gekry het.

Ek wil voorstel dat jy die volgende artikels van Hermie van Zyl op ons webtuiste (https://www.bybelkennis.co.za/) lees. Tik by die soekfunksie “vergifnis” in en dan sal jy die volgende artikels kry wat Hermie geskryf het wat ek dink jou kommervrae sal antwoord…

1. Verband tussen eenmalige vergifnis en voortdurende pleit om vergifnis – Hermie van Zyl (https://www.bybelkennis.co.za/verband-tussen-eenmalige-vergifnis-en-voortdurende-pleit-om-vergifnis-hermie-van-zyl/)
2. Vergifnis en skuldbelydenis – Hermie van Zyl (http://www.bybelkennis.co.za/vergifnis-en-skuldbelydenis-hermie-van-zyl/)
3. Vergifnis en geregtigheid – Hermie van Zyl (https://www.bybelkennis.co.za/vergifnis-en-geregtigheid-hermie-van-zyl/)
4. Vergifnis en grense – Hermie van Zyl (https://www.bybelkennis.co.za/vergifnis-en-grense-hermie-van-zyl/)
5. Vergifnis en skuldbelydenis – Hermie van Zyl (https://www.bybelkennis.co.za/vergifnis-en-skuldbelydenis-hermie-van-zyl/)
6. Vergifnis en genade – Hermie van Zyl (https://www.bybelkennis.co.za/vergifnis-en-genade-hermie-van-zyl/)
7. Vergifnis noodsaaklik – Hermie van Zyl (https://www.bybelkennis.co.za/vergifnis-noodsaaklik-hermie-van-zyl/)
8. Vergifnis – Hermie van Zyl (https://www.bybelkennis.co.za/vergifnis-hermie-van-zyl/)
9. Vergifnis na erge trauma – Hermie van Zyl (https://www.bybelkennis.co.za/vergifnis-na-erge-trauma-hermie-van-zyl/)
10. ‘n Sondige lewe en vergifnis – Hermie van Zyl (https://www.bybelkennis.co.za/n-sondige-lewe-en-vergifnis-hermie-van-zyl/)

Daar is nog heelwat ander artikels oor vergifnis … maar ek dink bogenoemde 10 behoort jou vraag te antwoord.

Skrywer: Dr Johann Voges

Pleeg ek egbreuk as ek met ‘n geskeide vrou trou? – Kobus Kok

‘n Leser vra:

Ek is nog nooit getroud nie. Ek is nou saam met ‘n meisie met 2 kinders wat ek graag wil vra om met my te trou. Sy is al lankal geskei a.g.v ex.man wat ontrou was teenoor haar. Ek weet nie wat om te maak nie, sal dit egbreuk wees as ons trou?

Antwoord

Prof Kobus Kok antwoord: 

In Matteus 19:9 lees ons dat iemand wat met ‘n vrou trou wat reeds getroud was egbreuk pleeg. Tog is die saak nie so eenvoudig nie. Jesus se woorde moet in konteks verstaan word. In die antieke tyd kon mans sommer vir enige rede hulle vrouens skei, selfs al brand hulle die kos. Moses het glo die mans die reg gegee om skeibriewe te gee (Matt 19:7). Mans het die situasie misbruik en vrouens het dikwels in die slag gebly, Die Fariseërs wou ‘n strikvraag aan Jesus stel. Sou Jesus die gesag van Moses betwyfel? Indien wel, maak Hy hom skuldig aan ‘n oortreding. Dit is waaroor die hele kwessie gehandel het.  

Jesus bring ‘n nuwe wet wat die ganse uitbuitende en harde sisteem van die dag uitdaag. Jesus se woorde ontmagtig die mans wat hulle mag misbruik. Jesus sê dat mans wat sommer vir enige rede skei en weer trou in God se oë sondig. Tog moet ons dit nie as ‘n letterlike tydlose reël beskou nie, maar die saak waaroor dit gaan in konteks beskou. Indien jy vandag met ‘n vrou trou wat reeds getroud was, pleeg jy nie egbreuk nie. Hoekom nie? Omdat die konteks totaal verskil. Die bedoeling van Jesus se woorde destyds was om ‘n bepaalde saak reg te stel.

Kyk gerus na ‘n meer breedvoerige artikel wat ek oor die betrokke saak geskryf het wat die konteks in meer diepte verduidelik: http://www.bybelkennis.co.za/index.php/bybelse-temas/16-algemene-arikels-in-bybelse-temas-en-sake/539-mag-n-christen-wat-geskei-het-weer-met-iemand-anders-trou 

Skrywer:  Prof Kobus Kok