‘n Leser vra

Wat beteken ” Die Here kom met sy loon om elkeen te beloon volgens sy dade”

Antwoord

Dr Johann Voges Antwoord

In Openbaring 22:12-19 is daar sewe uitsprake van Jesus. In die eerste ses is die fokus op vs 14-15 en 16a waarin dit gaan oor die uiteinde van die regverdiges (in die seënspreuk) en dié van die goddeloses soos dit aan die gemeente verkondig is (22:16a).

“Kyk ek kom gou” (22:12) is woordeliks dieselfde as die een in 22:7. Die spoedige wederkoms van Jesus is die spil waarom die hele Openbaring 22 wentel (22:7, 10, 12, 20). Die ‘skielike en onverwagse’ koms van die wederkoms word beklemtoon om die lesers te laat besef dat hulle leefstyl van so ‘n aard moet wees dat hulle nie bang of skaam hoef te wees as die Here Jesus kom nie (wees altyd gereed daarvoor dat Hy enige tyd kan kom … soos ook vertel in die gelykenis in Matteus 25:1-13).

Die aanhaling in vers 12 van “Die Here Jesus bring die loon saam met Hom om elkeen te beloon vir wat hy of sy gedoen het” (1983 Afrikaanse vertaling) of anders vertaal … Jesus sê: “My lys van wie beloon moet word, bring Ek saam. Ek sal elkeen gee wat hy of sy volgens hulle optrede verdien” (Die Booskap vertaling), is ‘n woordelikse aanhaling van Jesaja 40:10 … “Kyk, die Here se loon is by Hom, sy beloning gaan voor Hom uit, dié wat aan Hom behoort, is by Hom” (Die Multivertaling Bybel).

Die bedoeling van Jesus 40:10 is dat God sy volk sal verlos van die ballingskap vernietiging en dat sy loon ‘hulle terugkeer uit ballingskap’ sal wees. In Openbaring 22:12 is die ‘loon’ om eendag ‘volmaak saam met Chrisus te kan wees vir altyd’. Daarmee wou Johannes sê dat al die vervolging wat die Christene ter wille van hulle geloof moes ervaar en hulle volharding om getrou te bly glo en lewe soos mense wat nie skaam is om Christene te wees nie, sal eendag beloon word en dit is om vir altyd by en saam met Christus eendag te wees.

As jy na ons webtuiste toe gaan (https://www.bybelkennis.co.za) en jy tik by die soekfunksie “Openbaring 22” in sal jy die volgende artikels hieroor kry wat jou vraag nog meer breedvoerig sal antwoord…

1. Die Openbaring aan Johannes – Die derde hoofdeel van Openbaring (12:1-22-21) – Francois Malan (https://www.bybelkennis.co.za/die-openbaring-aan-johannes-die-derde-hoofdeel-van-openbaring-121-22-21-francois-malan/)
2. Die Openbaring aan Johannes – God se troon in die tuin (22:1-5) – Francois Malan (https://www.bybelkennis.co.za/die-openbaring-aan-johannes-god-se-troon-in-die-tuin-221-5-francois-malan/)
3. Die Openbaring aan Johannes – Jesus kom vir seker (22:6-11) – Francois Malan (https://www.bybelkennis.co.za/die-openbaring-aan-johannes-jesus-kom-vir-seker-226-11-francois-malan/)
4. Die Openbaring aan Johannes – Jesus kom oordeel (22:12-14) – Francois Malan (https://www.bybelkennis.co.za/die-openbaring-aan-johannes-jesus-kom-oordeel-2212-14-francois-malan/)
5. Die Openbaring aan Johannes – Jesus kom alles herstel (22:15-21) – Francois Malan (https://www.bybelkennis.co.za/die-openbaring-aan-johannes-jesus-kom-alles-herstel-2215-21-francois-malan/)
6. Openbaring 22:18 – 19 – Francois Malan (https://www.bybelkennis.co.za/openbaring-2218-19/)

Skrywer: Dr Johann Voges

Sonika vra:

Hoe bring ek die twee, geloof en dade, bymekaar? Die mens kan nie net met goeie dade die ewigheid verwerf nie. Hoe sluit die vrug van die Gees by dade en geloof aan?

Antwoord

Prof Hermie van Zyl antwoord:

Daar is reeds uitvoerig oor hierdie onderwerp geskryf op ons webwerf, Bybelkennis.co.za. Ek nooi dus die vraagsteller uit om ondergenoemde artikels te lees. Sleutel net die artikels se titels in by die soekfasiliteit op die tuisblad (elkeen op sy eie), en vind hulle almal:

• Geloofsvrae: Goeie werke (A König)
• Die Groot Geloofswoordeboek: Goeie werke (A König)
• Die wet se relevansie vir vandag (Hermie van Zyl)
• Geloof en werke (Francois Malan)

Skrywer: Prof Hermie van Zyl

“It is not possible to have Christ apart from the church. We try. We would very much like to have Christ apart from the contradictions and distractionsn of the other persons who believe in him, or say they do.” –Eugene Peterson, 

 Is Jesus meer bekommerd oor wat ons doen of oor wat ons glo?

Peter Enns het ‘n baie interessante blog oor hierdie onderwerp geskryf. Hierdie is nie ‘n nuwe vraag nie, maar tog steeds ‘n belangrike vraag. Baie mense glo dat hierdie nie ‘n of die een of die ander antwoord moet wees nie – beide is belangrik. In werklikheid is hulle net die twee kante van dieselfde muntstuk. Die probleem is dat in die praktyk dit nie so werk nie.

 As ons uitstap in die alledaagse lewe is wat ek glo belangriker as wat ek doen? Sien ons die liefde van Christus in ons lewens? Miskien moet ons die vraag anders stel: Wat sou Jesus meer plesier verskaf;

• Om diegene van wie ons verskil, ons vyande, vreemdelinge, ongemaklike mense wat ons lewenspad kruis lief te hê al is daar aspekte van ons geloof, die Bybel, God, die mens, ens waaroor ons onseker is, of
• Ons fokus ons energie op suiwer leer tot so ‘n mate dat ons nie tyd het om aan liefde vir ander te dink nie.

 Hierdie is nie ‘n vals dilemma of teoretiese vraag nie. Ons staan elke dag voor hierdie keuse. Enns glo dat Jesus meer besorg is oor wat ons doen as oor wat ons dink.