Die Apostoliese Geloofsbelydenis (9)

image_pdfimage_print

If you would make your last words worth the hearing, let your whole life be worth the seeing. — C.H. Spurgeon

 

 

Die Apostoliese Geloofsbelydenis (9)

Ons gaan hierdie jaar begin deur meer in diepte na die Apostoliese Geloofsbelydenis te kyk. Ek gaan onder andere van Derek Vreeland se Primal Credo (2011) gebruik maak.

 

Die Gees: Ek glo in die Heilige Gees

 

Voordat Jesus opgevaar het, beveel Hy sy dissipels om in Jerusalem te wag op die gawe wat die Vader belowe het (Handelinge 1:4). Op die dag van die pinksterfees word die Heilige Gees uitgestort en Jesus se volgelinge word gevul met die teenwoordigheid van God. Die Heilige Gees, soos die wind, word nie maklik gedefinieer nie. Wie en wat is die heilige Gees.

  • Die Heilige Gees is God. Dit beteken Hy is persoonlik en ons kan ‘n verhouding met Hom aangaan. Hy is nie ‘n krag of energie nie. Hy maak God ‘n werklikheid in ons lewens.
  • Die Heilige Gees is die Gees van waarheid. As die Heilige Gees in ons midde werk, kom die waarheid na vore.
  • Die Heilige Gees is die Gees van heiligheid. Om heilig te wees, is nie dieselfde as om godsdienstig of geestelik te wees nie – heiligheid beteken ek word afgesonder. Die Heilige Gees verander ons sodat ons meer en meer soos Christus word – beelddraers van God.
  • Daar is interaksie tussen die Heilige Gees en God se skepping. Die Heilige Gees maak ons ontmoeting met God ‘n werklikheid. Hy bemagtig ons en gee aan ons sekere gawes; Hy stel ons in staat om ander te dien. Ons ken God nie deur ‘n aantal feite te memoriseer nie, maar deur ‘n persoonlike ontmoeting.
  • Die heilige Gees produseer vrugte. Die vrug van die Gees, daarteenoor, is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing (Galasiërs 5:22 – 23)
  • Die Heilige Gees kan nie deur menslike rede beperk word nie. Ons kan nie die Gees inperk of ten volle verstaan nie.

 

 Daarom dat ons in die Heilige Gees glo.

image_pdfimage_print

You may also like...