20 Desember: Maak jou oproep aan die Here plaaslik. – Jan van der Watt

image_pdfimage_print

Open 3:14-4:11 (fokus 3:14–22)

ʼn Man vra eendag dringend vir twee dominees om namens hom vir die Here iets te vra. “Dit sal R100.00 kos”, sê die een. Die ander dominee onderbreek egter en sê: “By ons gemeente is dit net 25c”. “Waarom is dit so goedkoop by julle?” vra die man. “Wel”, kom die antwoord, “By ons is dit ʼn lokale oproep”.

Die verhaaltjie illustreer ʼn belangrike punt. Ons kan in die “godbesigheid” wees, sonder om naby God te wees. As ons Hom begin soek, moet ons langafstandoproepe maak en duim vashou dat die “lyn” duidelik en helder gaan wees. Soos in Laodisea kan God buite staan terwyl ons aan die binnekant onsself met allerhande “godsdinge” besig hou en dan dink ons hou ons besig met God (3:20).

Werklike Christenwees is “25c”, of eintlik “0c”-Christenwees. Die is om so naby die Here te leef dat jy enige tyd met Hom kan praat, en Hy met jou. Dit is om nie alleen in jou geestelike lewe besig te wees nie, maar om daar saam met Hom besig te wees.

Op geestelike gebied is daar nogal ʼn groot verskil tussen ʼn langafstand en plaaslike oproep. Maak joune plaaslik.

image_pdfimage_print

You may also like...