ʼn Leser vra:
Goeie Môre. Waar vind ek ‘n pragtige deel uit Spreuke van Jesus Sirag? Is dit op rekenaar beskikbaar? Wat ek soek is Hoofstuk 42:9-14. Baie vaders lê vandag ook snags wakker.
Erika vra:
Was Sara Abram se halfsuster of nie? In Genesis 20 sê hy tog dat sy sy suster is aan vaderskant. Hy sê nie hy het gejok nie, sy is so en so se dogter nie.
Jan Smith vra:
Genesis 1:1 sê In die begin het God die hemel en die aarde geskape. Geen verduideliking word gegee wie God is nie. Hy stel Homself so bekend en dit is dit. Hoofstuk 3: 1 sê: Maar die slang was listiger as al die diere van die veld wat die Here God gemaak het. En hy sê vir die vrou: Is dit so dat God gesê het: Julle mag nie eet van al die bome van die tuin nie? en tree in gesprek met die twee mense wat my laat wonder of hulle nie al voorheen ontmoet het nie? Mens sê tog “How do you do?” of was dit nie vreemd dat ʼn slang kon praat nie? Seën vir u almal vir 2010.
Without love people die (prinses Diana)
Die wêreld is vol ongelukkigheid. Mense skarrel elke dag rond om te oorleef. Miskien het jy dit ook al beleef dat mense eintlik net gefokus is op hulself en hulle eie klein wêreldjie. In hierdie oorlewingstryd gryp mens uit desperaatheid na enige vorm van genot of iets wat bietjie vreugde en opwinding kan verskaf net om lewendig te kan voel.