Ek opponeer Jesus (Antichris)

image_pdfimage_print

Ek opponeer Jesus (Antichris)

Die duiwel het ook ʼn eindpoging… net voor die Here weer kom, sal daar hewige teenkanting teen die Here wees, veral in die vorm van ʼn verskriklike slegte leier(s).

Baie mense het net een so ʼn slegte figuur verwag, wat net kort voor Jesus se wederkoms sou kom. Johannes het die houding van opstand teen en verwerping van God egter as ʼn gesindheid in baie mense herken (1 Johannes 2:18). In sy gemeente was daar ʼn klomp mense wat vir ʼn rukkie deel van die kerk was, maar toe hulle rug op Jesus gedraai het. Hulle noem Johannes ‘antichriste” (1 Johannes 2:18-24, 4:3; 2 Johannes 7). “Anti” is die Griekse woord vir “teen”, wat beteken dat Antichriste mense is wat teen Jesus gedraai het. Die volgende is nou interessant:

(a)  Hierdie antichriste wat eers deel van die kerk, maar het toe weggebreek;

(b)  Hierdie antichriste het wel nog in Jesus geglo (1 Johannes 4:1-4), maar het nie meer die regte dinge oor Jesus bely nie – hulle het gesê Hy is God, maar wou nie meer erken dat Hy mens geword het nie, wat beteken dat Hy nie regtig vir ons kon sterf en ons sonde so vergewe nie. Dit help nie om net ʼn stukkie van Jesus te bely nie; jy moet Hom volledig bely vir Wie Hy is, anders is jy soos iemand wat “teen” Hom is.

Die gees van mense wat “teen” Christus is, is dus by en tussen ons. Daar kan miskien nog een groot figuur of mag kom om Jesus van die troon af te probeer stoot, maar ons hoef nie bekommerd te wees nie: Jesus het oorwin!

 

Boek: Geloof in Aksie-Bybel
Skrywers: Prof Jan van der Watt, Dr Stephan Joubert, Dr Johan Smith
Uitgewers: Christelike Uitgewers Maatskappy

image_pdfimage_print

You may also like...