Wagters op die mure – Francois Malan

Dorothea vra:

Is daar iewers ‘n vers waar daar gepraat word van die wagters op die mure wat uitroep, Alles is wel?

Antwoord

Prof Francois Malan antwoord:

Onderwerp: Navraag Boodskap Teks:

• Ps 130:6 praat van my siel wat op die HERE wag meer as die wagters op die môre.
• In Jesaja 21:6-10 word ’n wag uitgesit wat aankondig dat Israel se verdrukker Babel geval het.
• In Jesaja 52:8-10 roep die wagters uit dat die HERE verlossing vir Jerusalem gebring het.
• In Jesaja 62:6 sê die HERE Hy het wagte op die mure van Jerusalem uitgesit wat dag en nag die volk aan sy beloftes moet herinner.

Verder is daar in die Bybel ’n hele aantal tekste wat vertel van wagters wat gevaar en die straf van die HERE aankondig, nie alles is wel nie.

Skrywer:  Prof Francois Malan