04 September: Geniet die Here se gawes, moenie net daaroor praat nie. – Jan van der Watt

image_pdfimage_print

Gal 6:11-18 (fokus 6:11-18)

 Ons praat darem maklik, want woorde is geduldig… woorde soos “Jesus gee my krag”, of “Jesus se genade is vir my genoeg”, of “Dis ʼn vreugde om Christen te wees”. ‘n Mens hoor die woorde so baie, maar sien baie keer niks daarvan waar word nie. Ons het dikwels een boodskap maar ʼn ander lewenstyl. Dit is asof ons nie die nuwe lewe wat Jesus vir ons gee wil geniet nie, maar tog graag daaroor wil praat.

Christus wil hê ons moet nie net praat nie, maar ons lewens voluit geniet.  Dink net, Christus laat ons toe om soos kinders in ʼn speelgoedwinkel al sy wonderlikhede uit te soek en heeldag daarmee te speel. Ons hoef nie net van buite af deur die venster te loer en oor die “speelgoed” te praat nie. Christus gooi die deure oop sodat ons kan ingaan en gaan geniet. Ons kan soveel vreugde vat as wat ons wil, soveel van sy liefde en genade as wat ons nodig het. Sy troos staan rakke vol daar en ons kan sakke van sy krag saamvat.

Dit is waar! En dit is wat jou lewe kan omkeer en verander: Om elke stukkie van die vreugde en genade wat die Here jou elke dag gee te geniet, ja, sigbaar te geniet. Maak jou lewe ʼn spel van vreugde saam met die Here.

image_pdfimage_print

You may also like...