Van God kan jy niks weet nie en niks oor Hom sê nie, of so dink party mense (agnostisisme)

image_pdfimage_print

Van God kan jy niks weet nie en niks oor Hom sê nie, of so dink party mense (agnostisisme)

Daar is mense wat net hulle skouers optrek as dit by God kom. Hulle sal vinnig vir jou sê dat ons niks van God kan weet nie en ook nie enigiets oor Hom kan of moet sê nie. Vir hulle is niks seker nie, ook nie God nie. Niemand weet regtig nie, sê hulle. Ons noem sulke mense agnostisiste.

Die Bybel vertel ʼn ander storie. Jesus is die ware weg na God (Johannes 14:6), die Een wat vir ons kom vertel het hoe God regtig is (Johannes 1:18). Hy is die beeld van God (Kolossense 1:15) in en deur wie ons God kan leer ken. Hoe kan ʼn mens dan nog sê dat jy God nie kan leer ken nie, behalwe om ʼn streep deur Jesus te trek? Jesus het dan vir ons presies kom wys hoe Hy lyk en wat Hy van ons verwag. Dit is immers wat Jesus kom doen het. Wat meer wil ons hê?

 

Boek: Geloof in Aksie-Bybel
Skrywers: Prof Jan van der Watt, Dr Stephan Joubert, Dr Johan Smith
Uitgewers: Christelike Uitgewers Maatskappy

image_pdfimage_print