www.bybelkennis.co.za Blog
A man knows when he has found his vocation when he stops thinking about how to live and begins to live – Thomas Merton
Praat die kerk oor ongemaklike sake?
Zach Perkins voel daar is sekere belangrike sake wat die kerk vermy om te hanteer. Hy sê dat ons week na week die erediens bywoon, by mense sit wat ons al jare ken … maar ons sal nooit ons innerlike gevoelens met hulle bespreek nie. Hoekom nie? Trots beslis, maar ook die kerk se onwilligheid om oor sekere ongemaklike sake te praat. Die kerk verkies om hierdie sake te ignoreer, of verwerp eenvoudig die mense wat hierdie sake op die tafel plaas.
Dra mekaar se laste (Galasiërs 6:2). Is dit nie tyd dat die kerk ‘n veilige hawe word vir daardie ongemaklike dinge wat mense moet hanteer nie? Baie van hierdie dinge moet professioneel deur onder andere sielkundiges hanteer word. Navorsing het egter gevind dat om na iemand te luister en te wys dat jy werklik vir hulle omgee ‘n belangrike rol in die persoon se genesingsproses speel.
If I love to be loved more than to love, to be served more than to serve, then I know nothing of Calvary love. —Amy Carmichael
‘n Nuwe Kategismus: Vraag 51
Vraag:
Watter nut het Jesus Christus se hemelvaart vir ons
Antwoord:
Christus het fisies opgevaar vir ons net soos Hy fisies na die aarde gekom het vir ons.. Hy is nou besig om vir ons in die teenwoordigheid van die Vader voorspraak te maak, ‘n plek vir ons voor te berei en Hy het ook sy Gees gestuur. [Onderstreepte gedeelte is die antwoord vir kinders.]
Verdeling van Jesus se klere – Francois Malan
19:23-24 Die klere van ‘n veroordeelde was destyds die buit van sy laksmanne. Jesus se vyf kledingstukke was waarskynlik sy mantel (‘n oorkleed teen koue), sy tuniek of kleed (chitoon vir daaglikse drag), ‘n beld, sandale, en ‘n tulband. Die kruiseling hang naak voor die wêreld, soos die sondaar naak voor God staan – Jesus dra die straf op Jerusalem en die wêreld se sonde (Eseg.23:28-30; Joh.1:29). Dit is die einde van die weg wat Jesus self ingeslaan het toe Hy sy klere (ta himatia) uitgetrek het om sy dissipels se voete te was, met net ‘n afdroogdoek/handdoek om (Joh.13:4) – aan die kruis egter sonder ‘n lendedoek – Hy het sy eie mense tot die uiterste toe liefgehad (13:1). Die kleed was sonder soom, in een stuk geweef. Die vier soldate besluit om dit nie te skeur nie, maar daaroor te loot. Die Evangelis sien daarin ‘n vervulling van die doel van God, soos die verdeling van sy klere in Ps.22:19 beskryf is. Die soldate vervul God se raadsplan vir die verlossing van die wêreld, met ‘n Koning wat sy volk se naaktheid dra.
The measure of our love for others can largely be determined by the frequency and earnestness of our prayers for them. —A.W. Pink
Wat is geluk?
Die belangrikste woord in die seënuitsprake (Matteus 5:3 – 12) is die woordjie geseënd. Hoe vergelyk dit met vandag se najaag van geluk? Meer en meer mense vandag sien dat geluk hulle reg is – dit is ‘n basiese mensereg.
Maar wat beteken geluk? Vir die moderne mens beteken dit innerlike tevredenheid en materiële voorspoed. Kom ons kyk na ‘n paar moderne sienings oor geluk:
