27 Desember: Oppas vir ‘n “nee” uit die mond van God. – Jan van der Watt

image_pdfimage_print

Open 14:14-16:9 (fokus 14:14-20)

Met parstyd word druiwe in ʼn groot houer gegooi en word dan korrel vir korrel stukkend getrap. Wie sou kon dink dat dit die beeld sou word wat die Bybel gebruik om God se straf vir sondaars mee te beskryf? Die druiwekorrels in die beeld is eintlik mense… (14:19-20).

Die beeld is byna te kru om aan te dink, maar juis dit maak die boodskap soveel kragtiger. Dit is die moeite werd om maar met God rekening te bly hou, want jou pad gaan iewers finaal met syne kruis. Dan moet dit liefs ʼn vriendelike ontmoeting wees, anders… is jy dalk ‘n druiwekorrel.

Die ou spreuk is waar: ʼn mens kan nog probeer om sonder God te leef, maar moet net nie sonder Hom sterf nie. God het nie plek vir mense wat Hom nie eer of respekteer nie en as jy sterf is dit te laat om iets daaraan te doen. Daarom bied God nou vir mense ʼn vredesooreenkoms in Jesus aan. Onvoorwaardelik nooi Hy elkeen uit om weer sy vriende te word. Die vrug van die vriendskap sal hulle vir ewig kan geniet.

Maar ʼn “nee” vir Jesus beteken ook ʼn “nee” vir God. Die “nee” vir God verander dan in ‘n “nee” van God. En ‘n “nee” uit die mond van God is nie iets wat enigiemand wil hoor nie. ʼn Druiwekorrel wil niemand seker wees nie.

image_pdfimage_print

You may also like...