29 Junie: Om God te probeer verstaan is soos om in die son te probeer kyk. – Jan van der Watt

image_pdfimage_print

Rom 9:1-19 (fokus 9:1-13)

 Mense wonder baie keer waarom die Jode Jesus nie dadelik aangeneem het nie. Party het natuurlik, maar baie het nie. Paulus self kan dit ook nie mooi verstaan nie, soos hy aan die begin van hoofstuk 9 sê. Jesus is tog so duidelik die Redder van die wêreld wat sou kom, dat ʼn mens dit eintlik nie kan miskyk nie en tog gebeur dit.

‘n Rede waarom mense Jesus dalk nie wil raaksien nie, is omdat dit is soos om in die son in te kyk. Wat daar gebeur het is so wonderlik, so onverklaarbaar, so misterieus dat ‘n mens dit kwalik kan begryp: ‘n genadige God wat sy Seun ter wille van ons gee. Om te probeer verstaan is soos om te  probeer sien waar ons oë nie regtig kan sien nie, om genade te probeer snap wat ons nie regtig kan begryp nie. Ons lees hier onder andere ook van die genadige verkiesing van mense deur God: iets waarmee slim teoloë oor baie eeue lank al worstel, sonder om dit regtig te verstaan. Hulle probeer kyk, maar die son van misterie en grootheid is te skerp. Hoewel ons probeer kyk en kyk, kan ons nie alles regtig “sien” nie. Die misterie van God is net te oorweldigend. Daarom kyk party mense weg, maak hulle asof daar niks in die son te sien is nie.

As jy in die son inkyk, word jy verblind. Maar dit is nie asof jy niks sien nie. As jy in die misterie van God inkyk is dit ook nie asof jy niks verstaan nie. Jy verstaan nie alles nie, maar jy moet verstaan wat jy kan. En wat jy kan verstaan is dat God ʼn genadige God is (9:16), ook vir jou. Die Bybel is vol van sy genade.

image_pdfimage_print

You may also like...