God is regverdig daarom is daar iets soos straf

image_pdfimage_print

God is regverdig daarom is daar iets soos straf

Baie keer wonder ons waarom God mense straf. Hy is dan ʼn liefdevolle God wat vir mense omgee.

Ons vergeet dat daar mense is wat niks met God te doen wil hê nie. As hulle na God toe wil kom en Hom dien, is hulle welkom. Maar as hulle hulle rug op die Here draai, kan hulle Hom nie kwalik neem as Hy uiteindelik dieselfde met hulle doen nie. Om die waarheid te sê, hulle het net hulleself te blameer as God ook sy rug op hulle draai. Ons moet onthou dat een van die eienskappe van God is om regverdig te wees. Hy sal nie vir die een persoon sê om in Hom te glo om gered te word en vir die ander om Hom maar te ignoreer en nogtans gered te word nie. Daarom steek Hy nie weg wat met mense gebeur wat Hom eenkant toe skuif nie. Hulle sal eendag regtig sonder Hom moet klaarkom. Meer nog, jy kan nie God jou vyand maak, Hom beledig of maak of Hy nie bestaan en dan verwag dat niks gaan gebeur nie. Die Here sal ook sy eie eer beskerm en dan mag die mense wat gedink het hulle kan met God maak soos hulle wil agterkom dat dit ʼn groot fout was. Ja, hulle mag agterkom dat God straf ook.

 

Boek: Geloof in Aksie-Bybel
Skrywers: Prof Jan van der Watt, Dr Stephan Joubert, Dr Johan Smith
Uitgewers: Christelike Uitgewers Maatskappy

image_pdfimage_print

You may also like...