Het ons ons godsdiens afgewater? Die Kerk (7)

image_pdfimage_print

We can stand affliction better than we can stand prosperity, for in prosperity we forget God. —D.L. Moody

Het ons ons godsdiens afgewater? Die Kerk (7)

Daar het die afgelope aantal jare heelwat boeke verskyn waarin gesê word dat die kerk sy boodskap afgewater het. (Michael Horton se  Christless Christianity en David Platt se Follow Me. A call to die; a call to live is goeie voorbeelde hiervan) Ons aanvaar sekere waarhede en bid die sondaar se gebed en glo alles is reg – ons is nou Christene. Maar dit is nie waar nie.

Dawson Trotman het jare gelede ‘n klein boekie Born to Reproduce geskryf. Wat hy sê, is dat God in die mens die begeerte om voort te plant gegee het – Christene verlang om te sien hoe sondaars gered word.

Vir hierdie spesifieke doel het God ons met die Heilige Gees vervul. Iewers is iets verkeerd, want dit gebeur nie meer nie. In die vroeë kerk het die evangelie vinnig oor die destyds bekende wêreld versprei – sonder radio of televisie of die Internet of die drukpers. Hoe het dit gebeur? Omdat dissipels dissipels gemaak het. Omdat die dissipels vissers van mense was.

Vandag gebeur dit nie – dissipels maak nie meer dissipels nie; gelowiges is nie meer vissers van mense nie. Ons het vergeet wat dit beteken om dissipels te wees – ons wil nou almal toeskouers wees. Ons godsdiens het oppervlakkig geword.

Soos ons Jesus Christus volg verander Hy ons denke, begeertes, verhoudings en lewensdoel. Nou besef ons dat daar geen plek vir toeskouers is nie – dissipels maak dissipels. Onthou: Born to reproduce.

image_pdfimage_print

You may also like...