Laat sy Liefde jou Lei: Jou werk, jou verlengstuk ?

image_pdfimage_print

Laat sy Liefde jou Lei: Jou werk, jou verlengstuk ? – Milanie Vosloo

Jou werk, jou verlengstuk?

Wanneer ek en jy in ’n posisie is waar ons ons spesiale talente en gawes as ons dagtaak kan uitleef, is ons bevoorreg. Want dan vind ons rede vir ons bestaan, geniet ons wat ons doen en is ons werk vir ons ’n verlengstuk van onsself. Die kanse is dan ook goed dat ons die spesiale roeping wat God vir ons hier op aarde beplan het, uitleef.

Vra jouself vandag die volgende vrae:

  • Wat is my unieke talente; dié dinge waarin ek goed is?
  • Wat is my natuurlik belangstelling? Vind ek dit in my huidige dagtaak?
  • As ek vandag (oor) kon kies, wat sou ek die heel graagste wou doen?
  • Wat behoort ek te verander of te doen om in staat te wees om dit te doen waarvan ek regtig hou en waarin ek goed is?
  • Wat is my plan van aksie, wat het ek nodig en wat kan ek doen om by daardie doel uit te kom?

Liewe mens, as jy sielsongelukkig is in wat jy doen, is jy verseker nie op die plek waar God jou wil hê nie. Dan het dit tyd geword om aan sy Vader-voete te gaan sit en ernstig met Hom te praat.

Besluit vandag dat jy wel (eendag?) dié werk kan en sal doen waarin jy werklik vervulling sal vind. En doen dan iets daaraan.

 

Bybelkennis gaan gereeld gedeeltes uit Milanie Vosloo se boek: Laat sy Liefde jou Lei, publiseer. Ons dank aan Milanie Vosloo en CUM vir hierdie vergunning.

Vir meer inligting oor CUM, besoek gerus hulle webblad by www.cumuitgewers.co.za

milanie_boeke_advertensie

 

Skrywer: Milanie Vosloo

image_pdfimage_print

You may also like...