Vergifnis van sonde – Vraag

image_pdfimage_print

Vergifnis van sonde – Vraag

Chris Krause vra die volgende vraag:

Met verwysing na die artikels oor die vergifnis van sonde. Dit het my nog altyd bepla dat ons aan die eenkant praat van die vergifnis van sonde, maar aan die anderkant weer verkondig dat Jesus met sy kruisdood die straf van ons sonde vir ons gedra het. Ek is ook in die Sondagskool geleer dat God nie sonde kan oorsien (vergewe) en dat dit die rede is hoekom Jesus moes betaal. Sekerlik, as die kruisprys betaal is, is daar nie sprake van vergifnis maar eerder van liefdevolle opoffering van Jesus en van God se kant af. Of hoe nou? 

Antwoord:

Dankie vir ‘n baie goeie en moeilike vraag!

Waarom vergewe God? Omdat sy woede “afgekoel” is deur ‘n bemiddelaar? Omdat sy wraak in liefde verander word deur ‘n losprys wat betaal word?

Ek dink dat ons almal geneig is om God se liefde en geregtigheid teenoor mekaar te stel.

Jaap du Randt het gereeld gesê: God se oordeel staan nooit los van sy liefde nie. Sy oordeel is die ander kant van die muntstuk, want ‘n God van liefde sit nie langs dieselfde vuur met onreg wat soveel leed en lyding veroorsaak nie.

God – wat liefde is – het sy Seun opgeoffer (gegee – Johannes 3:16 en oorgegee – Romeine 8:32) om vir ons sondes te sterf. So het Hy vir ons skuld betaal. Die skuldbewys teen ons is vernietig (Kolossense 2) en God het ons, wat goddeloos was, vrygespreek. Maar Hy doen dit OMDAT Christus, die sondelose, vir ons ontwil tot sonde gemaak is, sodat ons vergifnis kan ontvang. Vry en verniet. Genade en nogmaal genade alleen.

God vergewe nie om sy woede af te koel nie…. En sy wraak verander nie in liefde nie…

Hy is en bly altyd liefdevol en regverdig, heilig en genadig, ‘n verterende vuur en ‘n sagte hand…

 

 

image_pdfimage_print

You may also like...