Hoe hanteer ek mense wat swaarkry?

image_pdfimage_print

The custom of sinning takes away the sense of it, the course of the world takes away the shame of it. —John Owen

Hoe hanteer ek mense wat swaarkry?

Ons glo dit is ons taak om mense wat swaarkry beter te laat voel. John Koessler sê wat hom ontstel het, was hoe dikwels hy nie daarin geslaag het nie. Jy gee raad en jy bid vir mense, maar dit lyk nie asof dit ‘n verskil maak nie. Hulle toestand het nie verander nie – altans so ver as wat hy kon sien.

Mettertyd besef hy dat dit nie sy taak is om mense beter te laat voel nie – dit is God se werk. Ons taak is om mense aan God se teenwoordigheid te herinner.

Wat meeste nodig is, is die bediening van teenwoordigheid eerder as die bediening van herstal. Ons kan in stilte sit of ons kan van God se beloftes praat, maar ons genees nie – ons kan nie. Die probleem is te groot. Dit vereis ‘n geneesmiddel meer as ons vaardighede en vermoëns.

Hierdie bediening van teenwoordigheid lyk vir ons totaal onvoldoende. Ons verlaat die siekbed deurmekaar. Ons raak paniekerig as ons besef ons kon nie ‘n eenvoudige oplossing aanbeveel nie. Later herinner iemand ons aan die krisis en bedank ons omdat ons hulle so baie gehelp het. Ons is verbaas: “Wat het ek gedoen?” Geduldig antwoord hulle: “Jy was daar!”

image_pdfimage_print

You may also like...