Jan vra:
‘n Groot deel van die eerste boek van die Kronieke bevat deurlopend ‘n klomp name. Vir die rede is dit seker ‘n kroniek. Omdat die boek in die Bybel opgeneem is, sê dat dit aan die vereistes van die kanon voldoen het. Sommige gelowiges staan daarop dat ELKE WOORD in die Bybel deur God geïnspireer is en ek wonder tog hoe ‘n naam hiertoe bydra. En by implikasie hoe die boek die vereistes van die kanon tevrede gestel het?
Christal vra:
|
Wat sal opgerig word in die heiligdom wat ‘n gruwel vir God sal wees, kom voor in Daniel 11 vers 32, Daniel 12 vers 11. |
Willie vra:
My vraag handel oor Petrus en ek vermoed die antwoord gaan maar net weer God se almag onderstreep . As ons 1 en 2 Petrus lees, is dit wonderlike teologie wat ons daar vind en wat vandag nog net so relevant is en dit getuig van ‘n persoon wat God se genade verstaan het . My vraag is waar en hoe het Petrus hierdie insig en kennis gekry? Ek vermoed hy het as visserman nooit enige skool van n Rabbi bygewoon nie en het heel waarskynlik nie die die Here Jesus altyd reg verstaan in die 3 jaar wat Hy op aarde gewerk het nie . Was dit n ook n wonderwerk wat gedurende Pinkster plaasgevind het , maw dat hy die insig en kennis daar en dan by God ontvang het as n wonderwerk?
Chantelle vra:
Iemand het my gevra om hulle te help met ‘n vers in die Bybel. Ek self is nie seker of dit so staan in die Bybel nie. “elkeen sal volgens hul eie geloof salig/gered word”. Waar staan dit in die Bybel? Of is dit net ‘n stelling wat mense maak en dit met verskeie ander verse in die Bybel koppel?