DIE VERHAAL VAN JESUS DEUR DIE OË VAN MARKUS (4)
DIE VERHAAL VAN JESUS DEUR DIE OË VAN MARKUS (4) – Jan van der Watt
Episode 2 – Markus 2-3
Gaan Markus 2-3 vinnig deur en kyk of jy kan agterkom waaroor gaan die episode…………………….
………………………………………………………………………………………………………………………………………….
Die koninkryk kom met die krag van God self: letterlik (genesings) en geestelik (preke). Kyk of jy ‘n storie uit die volgende grafiese uiteensetting kan kry……………………………………………………………
………………………………………………………………………………………………………………………………………….
………………………………………………………………………………………………………………………………………….
- Jesus genees die lam man… en vergewe sonde (2:7,10)
- Jesus roep ‘n tollenaar… Hy kom vir die geestelik siekes (2:17)
- Dus: die feestyd is hier (2:19,22)
- Jesus gee nuwe betekenis aan godsdiens – Hy is Here van die sabbat (= Joodse wetsgodsdiens – 2:27; 3:4)
- Reaksie: Jesus is die Seun van God (3:11)
[Jesus kies sy dissipels – 3:13-19)
- Jesus is aan die kant van die Heilige Gees (3:23,28-29)
- Dus: Jesus begin die familie van God (3:34)
Kyk na die storie: Jesus kom en genees ‘n lam man (fisies) en dan roep hy ‘n tollenaar as dissipel – iemand wat as sondaar in die gemeenskap gesien is. Geestelik kom genees Hy mense en maak hulle sy volgelinge. Die koninkryk kom vir almal… Dit is ‘n nuwe tyd wat aanbreek: ‘n feestyd waarin mense nuut moet optree, want dit Koning is hier.
En dan kry ons die verwysing na die sabbat – die sabbat was die groot teken van die wettiese godsdiens van die Jode… Jesus kom verander dit; nie meer wetstyd nie, want dit is feestyd. Hier kry ons dus die eerste duidelike teken dat Jesus die godsdiens totaal nuut kom maak het. Nie wette nie, maar sy teenwoordigheid verander alles. Mense kom dus in groot getalle na Jesus toe.
Hoe kry Jesus dit reg? Hy werk deur die Heilige Gees. Dis God wat werk.
God wat werk… om sy nuwe familie, sy kinders, hier op aarde bymekaar te maak.
|
Skrywer: Prof Jan van der Watt