Sit ‘n wag voor die deur van woede
My geliefde broers en susters, wees altyd gou om te luister, nie te gou om te praat nie, en nie te gou om kwaad te word nie. As jy kwaad is, kan jy nie doen wat God wil hê nie. Jakobus 1:19
Francois vra:
In Rigters 6 vers 11 staan dit dat Gideon vir die Midianiete wegkruip (nuwe vertaling) terwyl in die 53 vertaling staan daar dat hy die plek beveilig. Vir my is daar ‘n wesenlike verskil tussen beveilig en wegkruip. Kan u dit asb vir my verklaar.
Danie vra:
Mens hoor baiekeer dat mense by die afsterwe van iemand sou sê dit was die Here se wil. Die Here gee- en die Here neem ‘n lewe. Onlangs by ‘n begrafnis het ‘n predikant ook die woorde in ‘n gebed gesê. Is dit maar trooswoorde of hoe moet dit verstaan word? Ek vind dit baie moeilik om die “neem van ‘n lewe” te verstaan en of te verduidelik. Iemand het eendag tydens ‘n soortgelyke gesprek gesê dat “so then why worry”, as die Here dan my lewe wil neem soos dit Hom sou behaag hoekom dan glo?!
Rudi vra:
Ek lees in 1 Petrus 3:19-20 dat Jesus na die geeste in die gevangenis gegaan het. My vraag is wanneer het dit presies gebeur? Daar word beweer dat dit gedurende die drie dae voor Sy opstanding was. Ek sal graag julle siening wou hoor.