Head knowledge will never bring us to heaven (J. C. Ryle)

Wêreldsiening: Is daar ‘n God?

James N. Anderson het ‘n baie interessante, interaktiewe boek geskryf: What’s your Worldview? Ek gaan onder andere hiervan gebruik maak in ‘n aantal blogs.

Hierdie is seker die belangrikste vraag om te vra, want dit is ‘n belangrike vurk in die pad as ons van wêreldsienings praat. Hoe jy hierdie vraag antwoord, het geweldige implikasies vir hoe jy jouself verstaan, jou verhouding met ander mense en jou plek in die heelal. Baie mense leef asof hierdie vraag nie werklik saak maak nie. Dit is ‘n baie groot fout.

Wat bedoel ons as ons sê God. Mense het verskillende sienings oor God. Kom ons begin voor: is daar ‘n Opperwese wat ons aanbidding verdien en sin, doel en rigting aan die mens en die heelal gee?

There are scores of people occupying our pews and benches every Sunday, who know nothing whatever abour religion (J. C. Ryle)

Wêreldsiening: Is daar meer as een geldige godsdiens?

James N. Anderson het ‘n baie interessante, interaktiewe boek geskryf: What’s your Worldview? Ek gaan onder andere hiervan gebruik maak in ‘n aantal blogs.

Daar is ‘n groot verskeidenheid godsdienste in die wêreld – en hulle word elke dag meer. Mense het ‘n natuurlike godsdienstige impuls. Daar is meer as 20 godsdienste met meer as ‘n miljoen aanhangers. Ateïste glo al hierdie godsdienste is verkeerd. Ander sê dat net een godsdiens reg kan wees – Christene glo dat die Christelike godsdiens die enigste ware godsdiens is. Moslems sê dieselfde van Islam. ‘n Idee wat vandag veld wen, is dat meer as een godsdiens reg kan wees.

To exhibit God’s righteous anger, you must be angry at sin wherever you find it—especially in yourself. —Winston Smith

Wêreldsiening: Is enigiets objektief goed of sleg?

James N. Anderson het ‘n baie interessante, interaktiewe boek geskryf: What’s your Worldview? Ek gaan onder andere hiervan gebruik maak in ‘n aantal blogs.

Baie stellings sluit waardeoordele in: Aborsie is verkeerd. Hier word ‘n evaluering van die feite gemaak. Ons oordeel dat sekere dinge goed is en ander dinge sleg is, sekere dinge is reg en ander is verkeerd … almal van ons maak gereeld waardeoordele – dit is ‘n noodsaaklike eienskap van die menslike lewe.

Is enigiets objektief goed in die sin dat dit goed is onafgesien wat ander daaroor dink, hoop of voel? Sekere mense voel dat alle waardeoordele relatief en subjektief is – hulle is uitdrukkings van mense  of die kultuur se voorkeure.

Those who give much without sacrifice are reckoned as having given little. —Erwin Lutzer

Wêreldsiening: Is dit moontlik om die waarheid te ken?

James N. Anderson het ‘n baie interessante, interaktiewe boek geskryf: What’s your Worldview? Ek gaan onder andere hiervan gebruik maak in ‘n aantal blogs.

As alles dan relatief is, is dit moontlik om die waarheid te ken? Die objektiewe waarheid is van min waarde as jy nie daartoe toegang kan kry nie – as ek nie met ‘n mate van vertroue kan weet wat die waarheid is nie. As die waarheid altyd buite ons bereik is, kan daar net so wel geen waarheid wees nie. Ons mors ons tyd om dit na te streef. Meeste mense sal erken ons het intellektuele vermoëns – soos rede en persepsie – wat ons toelaat om sake van belang te ondersoek en om die waarheid oor hierdie sake te ontdek. Deur hierdie vermoëns verantwoordelik te gebruik, kan ons baie oor onsself en die wêreld om ons leer.